د پاکستان او اروپايي ټولنې استازو د سیمې پر سیاسي او امنیتي وضعیت خبرې کړې
د افغانستان لپاره د پاکستان ځانګړی استازی محمدصادق وايي، چې د اروپايي ټولنې له استازي ګېلس برټرینډ سره یې په یوې انلاین غونډه کې د سیمې پر سیاسي او امنیتي وضعیت خبرې کړې دي. نوموړي ویلي، چې په دغه غونډه کې یې د بشري حقونو، ترهګرۍ او نورو ګواښونو په اړه بحث او خبرې کړې دي.
محمدصادق تېره ورځ د افغانستان لپاره د ایران له ځانګړي استازي سره هم په انلاین غونډه کې د ترهګرۍ ضد هڅو او په سیمه کې د سوداګریزو اړیکو پر پراختیا خبرې کړې وې.
