د اسیا فوټبال کنفدراسیون د تازه ډلبندۍ له مخې؛ د افغانستان د اتلانو فوټبال لیګ د دغه بنسټ د ۴۷ غړو هېوادونو ترمنځ په ۴۰م ځای کې راغلی دی. له دې دا په ډاګه کېږي، چې په اسیا کې یوازې اووه لیګونه د افغانستان د فوټبال لیګ څخه وروسته دي.
د جدول په سر کې د سعودی عربستان، جاپان او سویلي کوریا لیګونه په ترتیب سره لومړی، دویم او درېیم مقامونه لري. دغه هېوادونو په مسلکي فوټبال او ورزشي زېربناوو کې پراخه پانګونه کړې ده.
تر دې وروسته متحده عربي امارات، ایران او قطر لیګونه په څلورم، پنځم او شپږم ځای کې راغلي. د جدول په پای کې د برونیي دارالسلام، سریلانکا، یمن، تیمور شرقي، پاکستان، ګوام او جزایر ماریانا شمالي لیګونه له افغانستان نه هم شاته دي.
دغه ډلبندي یو ځل بیا په افغانستان کې د کلبونو د فوټبال د پراختیا، زېربناوو د پیاوړتیا او مسلکي کولو اړتیا ته جدي پاملرنه په ډاګه کوي.
په دغه ولایتونو کې هم چارواکو د یوې میاشتې لپاره د ورزشي فعالیتونه د ځنډولو امر کړی دی. هغه لیک چې د کندوز ولایت د المپیک، بدني روزنې او سپورت ریاست لهخوا خپور شوی پهکې راغلي، چې د افغانستان د المپیک، بدني روزنې او سپورت ریاست د دعوت او ارشاد ریاست د عمومي اجرایوي مدیریت او د امر بالمعروف د قانون پلي کولو پلاوي د لارښوونې پربنسټ ټولو فدراسیونونو، کلبونو او ورزشي لوبغالو ته خبر ورکول کېږي چې د روژې تر پایه پورې د هر ډول سیالیو د ترسره کېدو مخه ونیسي.
دارنګه د هرات ولایت د المپیک او بدني روزنې ریاست لهخوا په یوه رسمي اعلامیه کې په ټولو ولسوالیو کې سپورتي فدراسیونونو، کلبونو او لوبغاړو ته لارښوونه شوې چې د لمانځه پرمهال خپل تمرینونه ودروي.
د دغه اعلامیې په یوه بله برخه کې ټینګار شوی، چې د روژې مبارکې میاشتې په درناوي د فدراسیون ټولې سیالۍ او ورزشي لوبغالي به د یادې میاشتې تر پایه وتړل شي. لاتر اوسه د درېیو ولایتونو مکتوبونه خپاره شوي او داسې ښکاري، چې دغه حکم په عمومي ډول د هېواد ټولو ولایتونو ته لېږل شوی دی.
