بنو کې د ډرون څرخکې برید؛ پنځه کسان ټپیان شوي

خیبرپښتونخوا په ځانګړي ډول سویلي ولسوالۍ په وروستیو میاشتو کې د ناامنۍ له زیاتوالي سره مخ دي او د وسله‌والو ډلو د بریدونو اصلي هدف ګرځېدلې دي. راپورونه ښيي، چې د یاد ایالت په سویلي ولسوالیو کې پرله‌پسې بریدونو ۱۳ پولیس وژلي او ۱۰ نور یې ټپیان کړي دي.

په کوهاټ کې بیا په یوه برید کې ۷ پولیس وژل شوي او ۴ نور ټپیان دي. دارنګه ډېره اسماعیل خان ته څېرمه د بهکر اړوند د پولیسو پر تالاشۍ مرکز ځانمرګي برید ۴ پولیس وژلي او ۴ نور یې ټپیان کړي دي. په بنو کې د امنیتي ځواکونو پر کاروان ځانمرګي برید کې د یوه لوړپوړي افسر په ګډون ۴ سرتېري وژل شوي دي.

سربېره پر دې پر اېف سي په یوه برید کې ۸ سرتېري ټپیان شوي دي. د کرک ولسوالۍ د بهادرخېل په سیمه کې وسله‌والو پر امبولانس برید کړی، چې له امله یې ۳ د اېف‌سي سرتېري وژل شوي دي.
په ډېره اسماعیل خان کې یو پولیس سرتېرى وژل شوی او ۲ نور ټپیان دي او د سوېلي وزیرستان په واڼه کې هم یو پولیس وژل شوی دی. ځایي پولیس چارواکي وايي، د روژې په میاشت کې د بریدونو د زیاتوالي له امله امنیتي عملیات چټک شوي چې په ترڅ کې یې په ډېره اسماعیل خان کې یوه ښځینه ځانمرګې بریدګره هم نیول شوې ده.

د سیمه ییزو پولیسو مشر ګل زاده ویلي، د ټپیانو حالت له خطره بهر دی.

پولیس چارواکو ویلي، چې ابابیل سکواډ د روژې میاشتې پر مهال د امنیت ټینګښت لپاره په سیمه کې ځای پر ځای شوی و.

پاکستاني رسنیو د چهارشنبې په ورځ (د کب ۶مه) ویلي، چې د خیبر پښتونخوا د ځايي چارواکو له‌خوا د ګوهټي (بارکۍ) پنډغالي ټولې هټۍ او سوداګریز مرکزونه تړل شوي دي.

د یادې سیمې د مرکزي دفتر مرستیالې کمېشنرې علینا شکیل د پنډغالي د لیدنې پرمهال ویلي، چې حکومت په رسمي ډول دغه پنډغالی تړي. هغې زیاته کړې، چې په دغه پنډغالي کې د مېشتو افغان کډوالو د اوسېدو ورکړل شوې موده پای ته رسېدلې.

دغه پنډغالی چې له کلونو راهیسې د زرګونه افغان کورنیو د اوسېدو ځای و، اوس شاوخوا ۲۰زره کسان په‌کې ژوند کوي. ډېری دغه کورنیو په همدې پنډغالي کې واړه او کوچني کاروبارونه جوړ کړي.

د یادې پرېکړې له اعلان وروسته په دغه پنډغالي کې مېشتو یوشمېر افغان سوداګرو له پاکستاني چارواکو غوښتنه کړې، چې تر راتلونکي لوی اختره پورې د پاتې کېدو اجازه ورکړي. دوی وايي، چې د خپلو شتمنیو د راټولولو، د پورونو د تصفیې او د کاروباري حسابونو د تړلو لپاره وخت ته اړتیا لري.

دغه غوښتنه داسې مهال شوې، چې په وروستیو میاشتو کې په پاکستان کې پر افغان کډوالو فشارونه زیات شوي او د دغه هېواد حکومت څو ځله ټینګار کړی چې د بې‌اسناده کسانو حضور به نور ونه زغمي. لاتراوسه روښانه نه‌ده، چې ځايي چارواکي به د پنډغالي اوسېدونکو ته د مودې غځولو اجازه ورکړي که نه.

د کوهاټ د پولیسو مشر رسنیو ته ویلي، چې دغه پېښه د شکردرې پر سړک شوې او ټپیان یې نږدې روغتون ته لېږدولي دي. نوموړي زیاته کړې، چې تر برید وروسته یې نور ځواکونه هم سیمې ته لېږلي دي.

د کوهاټ امنیتي مسوولینو زیاته کړې، چې وسله‌وال تر برید او د موټر تر سوځولو وروسته له سیمې تښتېدلي دي. د دوی په وینا؛ په سیمه کې د وسله‌والو پر وړاندې چاڼیز عملیات پيل شوي دي.

لاتر اوسه کومې وسله‌والې ډلې د دغه برید مسوولیت نه‌دی منلی.

د حافظ ګل بهادر په مشرۍ د اتحاد المجاهدین شورا مرستیال مولوي صادق نور په خپل غږیز پیغام کې چې د دوشنبې په ورځ، د فبروري پر ۲۳مه خپور شوی، ویلي چې د دوی ډله او د پاکستان خلاف نور جنګېدونکي وسله‌وال طالبان د شریعت د ټینګښت لپاره مبارزه کوي او عقیده یې له خوارجو سره بشپړ توپیر کوي.

نوموړي د خوارجو او حنفي مذهبو ترمنځ پر توپیرونو له دیني اړخه دلایل وړاندې کړي او ویلي یې دي، چې خوارج د سترو علماوو په نزد د اسلام له دایرې څخه بهر دي او د هغوی او د طالبانو په عقیده او نظریاتو کې ډېر تفاوت دی.

نوموړي دغه راز خپلو جنګیالیو ته روښانه کړې، چې د پاکستان پوځ د خوارجو تر نامه لاندې دوی ته د «کافرانو» خطاب کوي او د دې اصطلاح تر نامه لاندې یې سمندر په کوزه کې ځای کړی چې د ده په وینا، شاته بل پیغام لري.

نوموړي ټینګار کړی، چې د طالبانو نظریه د خوارجو نه ده او نه هم د هغوی په څېر اعمال لري.

مولوي صادق نور په دغه غږیز پیغام کې د پاکستان پر پوځ د خوارجو تور لګولی او وايي، چې «مدرسې، علما او دیني مراکز په نښه کوي».

د پاکستان د اتحاد المجاهدین شورا د مرستیال دغه پیغام داسې مهال دی، چې د پاکستان پوځ، حکومت او رسنۍ په دې وروستیو کې په بلوچستان کې جنګېدونکو بلوڅ جنګیالیو ته د «فتنه الهند» او پاکستاني طالبانو ته د «خوارج الهند» اصطلاحات کاروي.