بنو کې د ډرون څرخکې برید؛ پنځه کسان ټپیان شوي
ځایي پاکستاني چارواکو ویلي، چې د خیبر پښتونخوا د بنو ولسوالۍ په یوه جومات کې پنځه کسان هغه مهال ټپیان شول، کله چې یوې ډرون څرخکې پر جومات د هاوان مرمۍ وغورځوله.
د چارواکو په وینا، پېښه د بنو د میریان په ممباتي بارکزي سیمه کې هغه مهال رامنځته شوه چې لمونځ کوونکي په یوه جومات کې موجود وو. ټپیان روغتون ته لېږدول شوي او ځینې یې د سختو ټپونو له امله تر درملنې لاندې دي.
تر اوسه د برید مسوولیت کومې ډلې پر غاړه نه دی اخیستی، خو امنیتي ادارو د پېښې په اړه پلټنې پیل کړې دي.
