پکتیا کې د یوې زورورې چاودنې غږ اورېدل شوی

د پکتیا ولایت د ګردېز ښار ځایي اوسېدونکو افغانستان انټرنشنل پښتو ته ویلي، چې په دغه ولایت کې د طالبانو سرحدي لوا قوماندانۍ ته څېرمه زوروره چاودنه شوې ده. ځایي اوسېدونکو ویلي، چاودنه دومره زوروره وه چې د ګڼو کورونو ښیښې یې ماتې کړې او خلک یې د خپلو کورونو پرېښودلو ته اړ اېستي دي.
لاتر اوسه طالبانو د یادې چاودنې په اړه څه نهدي ویلي. بلخوا، په پکتیا کې د طالبانو اړوند رسنیو ویلي، چې سرغړونه د پاکستاني لوري لهخوا شوې او دوی «بالمثل» اقدام کړی دی. د راپورونو له مخې؛ دواړه لوري د ډنډ پټان ولسوالۍ ته څېرمه پر فرضي کرښه یو پر بل د درنو وسلو ډزې کوي.
