یو وار بیا په دوبۍ او دوحه کې د چاودنو غږونه اورېدل شوي
په داسې حال کې چې د ایران ځوابي بریدونه خلیجي هېوادونو ته پراخ شوي، عیني شاهدان وایي د یکشنبې په ورځ د دویمې پرلهپسې ورځې لپاره هم د دوبۍ او د قطر پلازمېنې دوحې کې د زورورو چاودنو غږونه اورېدل شوي.
د رویټرز د راپور له مخې؛ ایران دغه بریدونه د امریکا او اسراییل د وروستیو بریدونو په غبرګون کې کړي دي. چارواکو ویلي، په دوبۍ کې د شنډ کړل شوو بېپیلوټه الوتکو د ټوټو له امله دوه کسان ټپیان شوي او د دوبۍ نړۍوال هوايي ډګر، برج العرب هوټل او پالم جمیره ټاپو ته زیان اوښتی دی. همداراز د جبل علي بندر په سیمه کې اورلګېدنه رامنځته شوې ده.
