د پاکستان لومړی وزیر: د سیمې د حالاتو له امله د امنیتي تدابیرو پراخول اړین دي
د پاکستان او طالبانو د جګړې په لړ کې د دغه هېواد لومړي وزیر شهباز شریف د پاکستان د عمومي امنیتي وضعیت د ارزونې په غونډه کې اړوندو ادارو ته لارښوونه کړې، چې روانو حالاتو ته په پام سملاسي او اغېزمن امنیتي تدابیر عملي کړي او د ادارو ترمنځ دې بشپړه همغږي ټینګه شي.
د پاکستان د حکومت د رسمي اېکس پاڼې لهخوا په خپرې شوې خبرپاڼه کې راغلي، دغه غونډه د پاکستان حکومت د لوموړي وزیر شهباز شریف په مشرۍ جوړه شوې وه چې پهکې د دغه هېواد پر عمومي امنیتي وضعیت تفصیلي بحث وشو.
شهباز شریف د امنیت په برخه کې د فدرالي او ایالتي کچې ټولو اړوندو ادارو ته سپارښتنه کړې، چې د شته ننګونو پر وړاندې دې په بېړني ډول پراخ او ګټور ګامونه پورته کړي.
