اسراییل په بیروت کې د حزبالله د استخباراتو پر مرکزي دفتر او د وسلو په ډیپوګانو برید کړی
د اسراییل پوځ د سېشنبې په ورځ (د کب ۱۲مه) ویلي، چې په بیروت کې یې د حزبالله د استخباراتو د مرکزي دفتر، د وسلو ډیپوګانو او مخابراتي زېربناوو په وړاندې د بریدونو یوه څپه بشپړه کړې ده.
د اسراییل پوځ ویلي، دغه هدفونو په ښکاره ډول «د ملکي پوښښ لاندې» کار کاوه؛ خو د پوځي موخو لپاره کارېدل. د اسراییل پوځ دارنګه ویلي، چې تر برید وړاندې د ملکي وګړو د زیان کمولو لپاره یو لړ احتیاطي ګامونه اخیستل شوي وو.
