عظمتالله عمرزی د یو ورځنیو لوبو غوره الراونډر وټاکل شو
د افغانستان د کرېکټ ملي لوبډلې لوبغاړي عظمتالله عمرزي د کرېکټ د نړۍوالې شورا د یو ورځنیو لوبو د الراونډرانو په تازه درجهبندۍ کې لومړی مقام خپل کړ.
د افغانستان د کرېکټ ملي لوبډلې لوبغاړي عظمتالله عمرزي د کرېکټ د نړۍوالې شورا (ICC) په تازه درجهبندۍ کې د یو ورځنیو لوبو د غوره الراونډرانو په نوملړ کې لومړی مقام خپل کړ.
د کرېکټ نړۍوالې شورا په تازه درجهبندۍ کې راغلي، چې عظمتالله عمرزي په ۲۰۲۵ کال کې د بنګلهدېش پر وړاندې د غوره لوبې له امله د ۳۳۴ نمرو په لرلو سره لومړی مقام خپل کړی دی. په دغه نوملړ کې د زېمبابوې الراونډر سکندر رضا د ۳۰۲ نمرو په لرلو سره په دویم او محمد نبي عیسيخېل د ۲۸۵ نمرو په لرلو سره په درېیم مقام کې راغلي دي.
