کرکټ بورډ پیلیز توپ وهونکی ابراهیم ځدراڼ، چې مخکې د شل اوریزو سیالیومرستیال کپتان و، د راشد خان پر ځای د دغو سیالیو د کپټان په توګه ټاکلی. کرکټ بورډ د راشد خان د لرې کولو لامل نه دی په ګوته کړی، خو د کرکټ مبصران یې یو عامل په یوه غونډه کې د راشد خان د مېرمنې راڅرګندېدل ګڼي.
کیڼ لاسی چټک توپ اچوونکی فضل حق فاروقي، الراونډر ګلبدین نایب او ویکټ ساتونکی-توپ وهونکی محمد اسحاق چې د ۲۰۲۶شل اوریز نړیوال جام د لوبډلې برخه وو، له دواړو سکواډونو څخه ایستل شوي دي.
کرکټ بورډ ویلي چې ویکټ ساتونکی او توپ وهونکی نور رحمن، د چپ لاس سپین توپ اچوونکی الراونډر شرف الدین اشرف او کیڼ لاسی تېز توپ اچوونکی فرید احمد ملک د شل اوریزو سیالیولوبډلې لپاره غوره شوي دي. سربېره پر دې، فرید احمد ملک یو ځل بیا د یو ورځنیوسیالیو سکواډ ته راستون شوی او چټک توپ اچوونکی ضیاء الرحمن شریفي ته دیو ورځنیو سیالیو لوبډلې لپاره د لومړي ځل لپاره بلنه ورکړل شوې ده.
بلال سمیع چې په خپلې وروستۍ یو ورځنۍ سیالۍ کې یې پنځه ویکټې واخیستې او د لوبې د غوره لوبغاړي جایزه یې هم ترلاسه کړه، په یو ورځنیو سیالیو سکواډ کې خپل ځای ساتلی او د شل اوریزو سیالیو سکواډ د احتیاطي لوبغاړوپه ډله کې هم شامل شوی دی.
د بلال سمیع ترڅنګ ننګیال خروټی او اعجاز احمدزی به د شل اوریزو سیالیود احتیاطي لوبغاړو برخه وي، په داسې حال کې چې بشیر احمد، محمد سلیم ساپي او قیس احمد د یو ورځنیو سیالیو سکواډ د احتیاطي لوبغاړو په لېست کې شامل شوي دي.
د راشد خان د لوبډلمشرۍ په اړه د افغانستان کرکټ بورډ د غوراوي مشر احمد شاه سلیمانخېل وویل: «دراشد خان د کپتانۍ دوره د لوبډلې لپاره ډېره بریالۍ وه، په ځانګړي ډول د ۲۰۲۴شل اوریز نړیوال جام په سیالیو کې زموږ د لوبډلې نیمه پایلوبې ته رسېدل یوه ستره لاسته راوړنه وه. د افغانستان کرکټ بورډ د اوږدمهاله ستراتیژۍ له مخې او د ټیم د مدیریت په وروستیو بدلونونو، په ځانګړي ډول د نوي سرمربي له ټاکلو وروسته، موږ پرېکړه وکړه چې د شل اوریزو سیالیولوبډلې مشري بدله کړو».
هغه زیاته کړې چې ابراهیم ځدراڼ چې مخکې د راشد خان مرستیال و، اوس به په دې فارمټ کې د افغانستان دایمي کپتان وي. نوموړي د راشد خان د خدمتونو ستاینه هم وکړه.
خو د کرکټ مبصران وايي، چې له کپتانۍ د راشد خان لرې کول، په یوه وروستۍ غونډه کې د هغه د مېرمنې راڅرګندېدل دي، چې دا په یو ډول پر ښځو د طالبانو د بندیزونو پر وړاندې اعتراض و.
