په سند کې د ۲۰۲۶کال د ګوزڼ لومړۍ پېښه ثبت شوه
د پاکستان د سند ایالت په سجاول ولسوالۍ کې د روان ۲۰۲۶کال د ګوزڼ لومړۍ پېښه ثبت شوه. ځایي چارواکو ویلي، چې د همدې ولسوالۍ د بیلو یونین کونسل په سیمه کې یو ۴ کلن ماشوم د پولیو په ویروس اخته شوی دی.
د اسلاماباد روغتیايي چارواکو هم دغه پېښه تایید کړې. دوی ویلي، چې د سند او خیبرپښتونخوا په ځینو سیمو کې لاهم د پولیو ویروس نهدی ختم شوی. پاکستاني روغتیايي چارواکو دا هم ویلي، چې په ۲۰۲۶کال کې تر ۴۵ مېلیونه ډېر ماشومان واکسین شوي او په اپرېل میاشت کې به په ټول هېواد کې د پولیو واکسین نوی کمپاین پيل کړي.
