ګوترېش: پر ښځو او نجونو پانګونه د نړۍ د ښه کولو تر ټولو باوري لاره ده
د ملګرو ملتونو سرمنشي انتونیو ګوترېش د ښځو د نړۍوالې ورځې په مناسبت په یوه ځانګړي پیغام کې پر نړۍ غږ کړی، چې د جنسیتي برابرۍ لپاره ریښتني ګامونه پورته کړي.
نوموړي د مارچ د اتمې په مناسبت خپاره کړي پیغام کې ټینګار کړی، چې د ښځو حقونه له بشري حقونو جلا دي او د نړۍ ثبات او پرمختګ په مستقیم ډول پر ښځو او نجونو له پانګونې سره تړلی دی.
ګوترېش په خپلو څرګندونو کې ویلي، چې په نړۍ کې د برابرۍ بهیر خورا پڅ دی او همدا یې وخت دی چې نړۍواله ټولنه د یو داسې نړۍ د جوړولو لپاره کار وکړي، چې پهکې د ښځو او نجونو حقونه خوندي وي.
د ښځو نړۍواله ورځ هر کال د مارچ په اتمه نېټه نمانځل کېږي او هڅه کېږي، چې د نړۍ په هر کونج کې ښځې د نارینهوو په شان مساوي حقونه ولري.
