افغان مبارز عبدالله سلطاني په جرمني کې خپل عراقي سیال ته ماتې ورکړه
د افغانستان د ازادو مبارزو ۲۴ کلن لوبغاړي عبدالله سلطاني د "اوکتاګون" سازمان په ۸۵مو سیالیو کې د عراق د کُردستان اوسېدونکي محمد ولید ته ماتې ورکړه. سلطاني په دغه لوبه کې تر درېیو پړاوونو مبارزې وروسته د داورانو په متفقه رایه بریالی اعلان شو.
دا راپورونو لهمخې، دا سیالۍ د جرمني په هامبورګ ښار کې ترسره شوې.
سلطاني په دې بریا سره خپلې ټولې بریاوې پنځو ته ورسولې او هغه په خپله کارنامه کې دوه ماتې هم لري. په مقابل کې ۳۰ کلن عراقي محمد ولید چې تر دې وړاندې یې اته بریاوې او پنځه ماتې درلودې، خپله شپږمه ماتې تجربه کړه.
