د ۲۰۲۶ کال د کرېکټ د شل اوریزو لوبو نړۍوال جام سیالۍ د هند په اتلولۍ سره پای ته ورسېدې
د ۲۰۲۶ کال د کرېکټ شل اوریزو لوبو نړۍوال جام سیالۍ پایلوبه د هند او نیوزیلند تر منځ تر سره شوه او د هند لوبدلې نیوزیلنډ لوبډلې ته په ماتې ورکولو سره د ۲۰۲۶ کال د کرېکټ د شل اوریزو نړۍوال جام اتلولي د دویم ځل لپاره په خپل نوم کړه.
د ۲۰۲۶ کال شل اوریزو کرېکټ نړۍوال جام سیالۍ چې د هند او سریلانکا په کوربهتوپ پیل شوې وې په څلورو ګروپونو کې د شلو هېوادونو لوبډلو پهکې ګډون کړی وو.
په یادو سیالیو کې د افغانستان د کرېکټ ملي لوبډلې هم په خپل ګروپي سیالیو کې دوه لوبې وګټلې او دوه یې وبایللې او د سیالیو له دوام څخه حذف شوه.
د ۲۰۲۶ کال د شل اوریزو کرېکټ نړۍوال جام سیالیو پایلوبه نن په هند کې د نرېندرا موډي په کرېکټ لوبغالي کې تر سره شوه چې زرګونه نندارچیان یې هم نندارې ته ورغلي وو.
د لوبې په لومړۍ برخه کې د هند لوبډلې نیوزیلنډ ته په شلو اورونو کې د پنځو لوبغاړو په زیان سره د ۲۵۶ منډو هدف ورکړ، خو د نیوزیلنډ لوبډلې د خپلو ټولو لوبغاړو په سوځیدو سره ونه شو کولای ورکړل شوی هدف پوره کړي او لوبه د هند لوبډلې په ګټه پای ته ورسېده.
د یادونې وړ ده، چې هند د ۲۰۲۴ کال د شل اوریزو کرېکټ نړۍوال جام اتلولي هم ګټلې وه.
