رویټرز: د ایران د جګړې له امله د غزې د سولې خبرې درېدلې دي
رویټرز خبري اژانس راپور ورکړی چې د غزې د سولې خبرې، چې د متحده ایالاتو په منځګړیتوب روانې وې، د امریکا، اسراییل او ایران ترمنځ د جګړې له پیل وروسته درېدلې دي.
هغو امریکايي سرچینو چې له دې موضوع باخبره دي، رویټرز خبري اژانس ته د نوم نه ښودلو په شرط ویلي چې دا ځنډ لنډمهالی دی او د الوتنو د ګډوډۍ او د منځګړو د سفرونو د ستونزو له امله رامنځته شوی. بل لور ته د حماس یوه چارواکي هم د خبرو درېدلتایید کړې دي.
د راپور له مخې، د ایران د جګړې له پیل سره سره د اسراییلوپوځ په غزه کې خپل بریدونه کم کړي خو درولي یې نه دي. د فلسطین روغتیايي چارواکي وایي چې د فبرورۍ له ۲۸مې راهیسې لږ تر لږه ۱۶فلسطینیان په غزه کې وژل شوي دي.
