اسټرالیا د فارس خلیج د هوايي حریم د ساتنې په هڅو کې برخه اخلي
د اسوشېټېډ پرېس خبري اژانس د راپور لهمخې، د اسټرالیا لومړي وزیر انتوني البانيزي ویلي چې اسټرالیا د فارس خلیج د هوايي حریم د خوندیتوب لپاره یوه (E-7Al) څارونکې الوتکه او شاوخوا ۸۵ پوځي پرسونل د څلورو اوونیو لپاره په سیمه کې ځای پر ځای کوي.
نوموړي همدارنګه وویل، چې د متحده عربي اماراتو د غوښتنې په ځواب کې به دغه هېواد ته «د هوايي منځنۍ واټن ویشتونکي پرمختللي توغندي» هم ولېږدول شي.
د اسټرالیا دفاع وزیر ریچارډ مارلز هم په دې خبري ناسته کې په سیمه کې د لسګونو زرو اسټرالیايي وګړو د خوندیتوب پر اړتیا ټینګار وکړ.
