د خبریالانو د ملاتړ نړیوال سازمان اراېساېف وایي، د پاکستان پولیسو د ښځو د نړیوالې ورځې د لاریون د پوښښ پر مهال درې ښځینه خبریالانې وهلې او د څو ساعتونو لپاره یې نیولې دي. دغه سازمان یاد اقدام «بې دلیله او تاوتریخجن» بللی دی.
د خبریالانو د ملاتړ نړیوال سازمان اراېساېف په خپل ایکس پیغام کې ویلي چې د پاکستان پولیسو خبریالانې اسمت جبین، فرحت فاطمه او سهرش قریشي هغه مهال ووهلې او ونیولې، کله چې هغوی د ښځو د نړیوالې ورځې اړوند لاریون ته پوښښ ورکاوه.
د یاد سازمان په وینا، دا درې خبریالانې د څو ساعتونو لپاره توقیف شوې او ورسره ناوړه چلند شوی دی. اراېساېف ټینګار کړی چې د خبریالانو پر وړاندې دا ډول تاوتریخوالی او نیونې هېڅ توجیه نه لري.
د امریکا د عدلیې وزارت وویل چې مرچنټ، د ایران د اسلامي انقلابي ګارډ قول اردو د مستقیمې لارښوونې لاندې په ۲۰۲۴ کال کې د امریکا په خاوره کې د متحده ایالاتو د ولسمشر ډونالډ ټرمپ او څو نورو سیاسي شخصیتونو په وړاندې د وژنې عملیاتو ترسره کولو لپاره د افرادو د استخدام هڅه کړې وه.
دا پلان په ۲۰۲۰ کال کې د ټرمپ د لومړۍ دورې په جریان کې د ایران د قدس ځواک د پخواني قوماندان قاسم سلیماني د وژنې په ځواب کې ډیزاین شوی و.
فدرالي څارنوالانو وویل، چې د دې دسیسې موخه د امریکا د هغه وخت ولسمشر جو بایډن او د جمهوري غوښتونکو د ولسمشرۍ پخوانۍ نومانده نیکي هیلي شامل وو.
مرچنټ د خپلې محاکمې په جریان کې، چې تیره اونۍ پیل شوه اعتراف وکړ چې هغه د انقلابي ګارد سره کار کاوه خو ادعا یې وکړه چې هغه دا کار د فشار لاندې او په تهران کې د خپلې کورنۍ د ساتنې لپاره کړی دی.
هغه وویل، چې هغه هیڅکله د چا د وژلو مستقیم امر نه دی ترلاسه کړی خو د ټرمپ، بایډن او هیلي په ګډون درې کسان په خبرو اترو کې یاد شوي دي.
د متحده ایالاتو چارواکو ټینګار کړی، چې دسیسه مخکې له دې چې کوم اقدام وشي شنډه شوه.
یو کس چې مرچنټ د ۲۰۲۴ کال په اپریل کې د دې دسیسې سره د مرستې لپاره اړیکه ونیوله، پولیسو ته یې موضوع راپور کړه او د معلوماتو سرچینه شوه.
مرچنټ د ۲۰۲۴ کال په جولای کې په ټیکساس کې ونیول شو او تورونه یې رد کړل.
منصفه پلاوي هغه له دوو ساعتونو څخه لږ وخت لپاره له غور وروسته مجرم ومانه او احتمال لري، چې هغه د عمر زندان سزا سره مخ شي.