د ایران جګړې له امله د افغانستان او سریلنکا کرېکټ سیالۍ لغوه شوې
د منځني ختیځ د شخړې له کبله، چې اسراییل او امریکا په ایران بریدونه ترسره کړل او په سیمه کې حالات ترینګلي شول، سریلانکا د افغانستان پر وړاندې د شپږ لوبو سیریز نامعلوم وخت ته وځنډاوه.
د افغانستان کرېکټ لوبډله باید سریلانکا په متحده عربي اماراتو کې کوربه وای، خو د روانې جګړې او د الوتنو د ګډوډۍ له امله دا سیریز لغوه شو.
د سریلنکا کرېکټ چارواکو ویلي: «موږ اړ شو چې د الوتنو وضعیت او سیمه کې روانو جګړو له امله سیریز لغوه کړو.»
په پام کې وه چې د افغانستان او سریلنکا ترمنځ درېشل اوریزېنړیوالې لوبې په شارجا کې د مارچ په ۱۳، ۱۵ او ۱۷ او درې یوه ورځنۍ نړیوالې لوبې په دوبۍ کې د مارچ په ۲۰، ۲۲ او ۲۵ ترسره کیدې.
د شپږو سیالیو دا سیریز د منځني ختیځ له شخړې وړاندې ټاکل شوی خو د متحده ایالاتو او اسراییل د فبروري په ۲۸په ایران باندې برید وکړ، او تهران یې د غچ په توګه ځینې اهداف وویشتل. د دې شخړې له امله د دوبۍ په ګډون د سیمې الوتنې ګډوډې شوې.
تر اوسه د افغانستان کرېکټ بورډ ددغه سیالیو د لغوه کولو په اړه رسنیو ته څه ندي ویلي.
