ډونالډ ټرمپ: ایراني چارواکي لا نه پوهېږي چې پر دوی څه راغلي دي

نوموړي ټینګار وکړ: «هغوی نه پوهېږي چې څه پرې تېر شوي دي. دوی د امریکا د پوځ له لوري تر برید لاندې راغلي دي».
ټرمپ په دې څرګندونې سره چې «دوی د داسې څه تمه نه درلوده»، زیاته کړه: «موږ د اسلامي جمهوریت د سمندري ځواک ۵۸ کښتۍ له کاره غورځولې دي».
نوموړي ټینګار وکړ، چې د ایران د توغندیو شمېر «کم شوی» او زیاته یې کړه: «د دوی د بې‌پیلوټه الوتکو شمېر ۸۵ سلنه کم شوی دی. هغه کارخونې چې دا هر څه په‌کې جوړېږي، یو په بل پسې الوځوو. په رښتیا سره باید ووایم، هېچا کله داسې څه نه دي لیدلي. هېچا کله د هغه څه په څېر چې تاسو یې اوس وینئ، څه نه دي لیدلي».
هغه وویل: «تر څو چې کار بشپړ شوی نه وي، موږ دا ځای نه پرېږدو.» هغه زیاته کړه: «امریکا نه غواړي چې په هرو دوو کلونو کې له ایران سره د جګړې حالت ته راوګرځي».