یوناما په خپل تازه رپوټ کې ویلي چې د افغانستان ثبات او امنیت ته د سیمې د هېوادونو پام زیات شوی دی. رپوټ د چین، ایران، پاکستان، روسیې، تاجکستان، ترکمنستان او ازبکستان د ځانګړو استازو ناستې او دغه راز د طالبانو او منځنۍ اسیا هېوادونو ترمنځ سوداګریزو اړیکو ته اشاره کړې ده.
رپوت د ۲۰۲۵ کال د دسمبر په ۱۲مه، د ایران او قزاقستان د ولسمشرانو ګډې اعلامیې ته اشاره کړې، چې د «امنیت او اعتماد نړیوال فورم» په څنډو کې یې خپره کړه.
دغه راز په رپوټ کې د ډسمبر پر۱۴مه، په تهران کې د چین، ایران، پاکستان، روسیې، تاجکستان، ترکمنستان او ازبکستان د ځانګړو استازو ناستې ته هم اشاره شوې ده.
په رپوټ کې د چین، پاکستان او طالبانو او دغه راز د منځنۍ اسیا له هېوادونو سره د طالبانو اړیکو او ټاپي د ګازو نل لیکې پروژې ته اشاره شوې، خو په دې ټولو هڅو په دې وروستیو کې د اسلام اباد او کابل ترمنځ د اړیکو له ترینګلتیا وروسته سیوری غوړېدلی دی.
