یوناما راپور ورکوي چې په۲۰۲۳ کال کې د کوکنارو پر کښت د بندیز له عملي کېدو وروسته د کوکنارو کښت په ټول افغانستان کې په پراخه کچه کم شوی، خو اوس له جنوب لویدیځ څخه شمال ختیځ ته لېږدول شوی.
د رپوټ له مخې، په هغو کلیو کې چې پخوا کوکنار پکې کرل کېدل، اوس د اقتصادي او ټولنیزو شرایطو کچه ټیټه شوې. د غلو او حبوباتو کرلو هغوی ته یو بدیل پیدا کړی، خو د کوکنارو د عاید کمښت یې نه دی جبران کړی.
رپوټ وايي، چې د کرنیزو مرستو پوښښ محدود دی او روغتیا، زده کړو او د ښځو د روغتیا خدماتو ته لاسرسی لا هم کم دی.
یوناما وايي، د ۲۰۲۵ کال له نومبر څخه د۲۰۲۶ کال تر جنورۍ پورې ۴،۶۷۹ کورنیو ته د اوبو لګونې، کرنې، څارویو او بازار موندنې له لارې مرسته شوې.
همدارنګه په۲۴ مرکزونو کې د نشه يي توکو کاروونکو ته خدمات وړاندې شوي چې ټولټال ۶،۴۷۶کسان ترې مستفید شوي، چې۲۲۵ ښځې هم پکې شاملې دي.
د رپوټ له مخې، د دوحې پروسې پر بنسټ جوړې شوې کاري ډلې په چوکاټ کې ملګرو ملتونو، غړو هېوادونو، د طالبانو ادارې او نړیوالو همکارو ادارو د بدیل عاید د پلان په برخه کې ګډ اقدامات معرفي کړي او پر عملي کولو یې بحثونه کړي دي.
یوناما د ۲۰۲۶ کال د فبرورۍ پر۳ مه د مخدره موادو د کاري ډلې څلورمه غونډه په کابل کې وکړه.
