د افغانستان د کرېکټ لپاره نوی ویاړ؛ راشد خان د نړۍ د شل اوریزو لوبو غوره توپاچوونکی شو
د افغانستان د کرېکټ ملي لوبډلې مخکښ لوبغاړي راشد خان تر هغه وروسته چې څو ورځې وړاندې یې د یو ورځنیو لوبو د توپاچوونکو په درجهبندۍ کې لومړی ځای خپل کړ، اوس د کرېکټ نړۍوالې شورا په تازه درجهبندۍ کې د شل اوریزو لوبو د غوره توپاچوونکي په توګه هم لومړی مقام ترلاسه کړی دی.
د کرېکټ نړۍوالې شورا په خپله تازه درجهبندۍ کې اعلان وکړ، چې راشد خان د ۷۵۳ امتیازونو په ترلاسه کولو سره د شل اوریزو لوبو د توپاچوونکو په سر کې ځای نیولی دی. هغه د دې امتیاز په ترلاسه کولو سره د هند له وارون چاکراوارټي او د پاکستان له ابرار احمد څخه مخکې شوی دی.
د شل اوریزو لوبو د غوره توپاچوونکو په نوملړ کې د افغانستان د ملي لوبډلې بل لوبغاړی مجیبالرحمان هم په لسم مقام کې ځای لري. په ورته وخت کې، عظمتالله عمرزی د یو ورځنیو لوبو د نړۍ د غوره الراونډر په توګه خپل ځای ساتلی دی.
