په دیره اسماعیل خان کې د ټي ټي پي یو جګپوړی غړی وژل شوی
د خیبر پښتونخوا ایالت د دیره اسماعیل خان ولسوالۍ په مودي سیمه کې د تحریک طالبان پاکستان د یوې څانګې جګپوړی غړی ابوبکر چې د احسان په نامه هم پېژندل کېده، وژل شوی دی. پاکستاني چارواکو د ابوبکر پر سر ۹میلیونه پاکستانۍ روپۍ انعام ټاکلی و.
ابوبکر د ګنډاپور د طالبانو مالي مسوول و او په دې وروستیو کې یې په ویډیوګانو کې له دولتي قراردادونو او محلي سوداګرو څخه د ۵سلنه باج غوښتنه کړې وه.
