روسیې ادعا کړې چې د اوکراین په ډرون برید کې ۸ تنه وژل شوي
د روسیې د دفاع وزارت ادعا کړې، چې د دونېڅک په سیمه کې پر یوه طبي مرکز د اوکراین د بېپیلوټه الوتکې (ډرون) په برید کې اته طبي کارکوونکي وژل شوي او لس نور ټپیان شوي دي.
د وزارت په وینا، دا پېښه د روانې اونۍ د سې شنبې په ورځ شوې ده.
د روسیې چارواکو ویلي چې برید د دونېڅک په هغه سیمه کې شوی چې ډېره برخه یې د روسي ځواکونو تر کنټرول لاندې ده، خو د دقیق ځای په اړه یې نور جزییات نه دي ورکړي.
