ایمل ولي خان: په پښتون وطن کې د ترهګرۍ د اور بیا بلولو پالیسي باید ودریږي
د اې این پي ګوند مشر ایمل ولي خان په خیبر پښتونخوا کې پر روان وضعیت اندېښنه ښودلې او وايي، چې د پښتونخوا خلک نور د تجربو او ناکامو پالیسیو قرباني کېدای نه شي. هغه زیاته کړې، چې د بیا ځل لپاره د ترهګرۍ په اور کې د پښتون وطن د غورځولو هر ډول پالیسي باید ودریږي.
ایمل ولي خان خبرداری ورکړی چې د پښتنو پر ځمکه د بهرنیو ګټو لپاره د هر ډول لوبې پایلې خورا خطرناکې دي او د دې ټول مسوولیت به د اوسني حکومت او ادارو پرغاړه وي.
