شاه محمود میاخېل: پاکستان به د خپلو بېموخو بریدونو لوړه بیه پرې کړي
د تېر جمهوري نظام د دفاع سرپرست وزیر شاه محمود میاخېل وایي پاکستان به د خپلو بې هدفه بریدونو لوړه بیه پرې کړي. هغه پر اېکس پاڼه لیکلي: «د پاکستان بې هدفه بریدونه به ټوله سیمه نوره هم بېثباته کړي او پاکستان به هم د دې لپاره لوړه بیه ورکړي».
هغه دا څرګندونې پر اېکس خواله رسنۍ په افغانستان کې د ملګرو ملتونو د سیاسي استازولۍ (یوناما) د څرګندونو په غبرګون کې کړي.
یوناما ویلي، چې پر کابل یې د پاکستان د تېرې شپې د هوايي برید د ملکي تلفاتو شمېر مستند کړی. یوناما زیاته کړې، چې په دغه برید کې د ښځو او ماشومانو په ګډون ۴کسه وژل شوي او ۱۴نور ټبیان دي.
یوناما یو وار بیا له دواړو خواوو غوښتي، چې سملاسي دې جګړه ودروي ترڅو د ملکي خلکو د زیان مخه ونیول شي.
