شاه محمود میاخېل: پاکستان به د خپلو بې‌موخو بریدونو لوړه بیه پرې کړي

دوی زیاته کړې، چې پاکستاني ځواکونو په کابل، کندهار او پکتیا ولایتونو کې د طالبانو اړوند پوځي تاسیسات او مرکزونه په هوايي بریدونو کې هدف ګرځولي دي.

د دغه سرچینو په وینا، په کابل کې د طالبانو د «فرقې ۳۱۳» اړوند تاسیسات او د مهماتو یو زېرمتون په نښه شوی دی. په کندهار کې د «تراوو» په نوم د روزنې یو مرکز او ځینې لوژستیکي زیربناوې، چې د تېلو زېرمتون هم پکې شامل دی، هدف ګرځول شوي دي. همداراز په پکتیا کې د «شېرناو» په نوم د وسله والویو کمپ د بریدونو هدف ګرځېدلی دی.

پاکستاني سرچینو ټینګار کړی چې په دغو مرکزونو کې «ترهګر» روزل کېدل.

په همدې حال کې، دغو سرچینو د طالبانو له حکومت سره هر ډول خبرې او مذاکرې رد کړې دي. د هغوی په وینا، د پاکستان له لوري هېڅ پلاوی د خبرو لپاره کابل ته نه دی تللی.

بل خوا په افغانستان کې د ملګرو ملتونو سیاسي استازولۍ (یوناما) ویلي، چې پر کابل یې د پاکستان د تېرې شپې د هوايي برید د ملکي تلفاتو شمېر مستند کړی. یوناما ویلي، چې په دغه برید کې د ښځو او ماشومانو په ګډون ۴ کسه وژل شوي او ۱۴ نور ټبیان دي.

د دغه وزارت په خبرپاڼه کې راغلي:« په بریدونو کې د کوهاټ پوځي قلعه ووېشتل شوه او همدارنګه یادې قلعې ته څېرمه په دوه کیلومترۍ کې د ډیورنډ کرښې د جګړې د قوماندې مرکز او د پوځي قلعې د قوماندان دفتر هم په دقیق ډول په نښه شول».

خبرپاڼه زیاتوي:« په دغه بریدونو کې د یادې کلا تاسیسات، د قوماندې مرکز، ډيپوګان او د عسکرو د هستوګنې ځایونه له‌منځه وړل شوي، چې درانه ځالي او مالي زیانونه یې اړولي دي».

بل لوري بیا د پاکستان خراسان ډایري ورځپاڼې د ځایي چارواکو په حواله لیکلي، د کوهاټ پوځي قرارګاه ته نږدې دوه بې‌پيلوټه الوتکې یې نسکوره کړې چې یوې چاودنه کړې او دوه کسه یې ټپيان کړي دي.

نوموړي نن جمعه (د کب ۲۲مه) پر اېکس پاڼه دغه بریدونه د ښه ګاونډیتوب، بشري ارزښتونو او نړۍوالو قوانینو ښکاره سرغړونه بللې ده. هغه یو ځل بیا د پاکستان له حکومت نه غوښتي، چې «دښمني پرېږدي، دوراندېشي وکړي او د افغانستان سره نیکه او متمدنه روابط او تګلاره اختيار کړي».

پاکستان تېره شپه یو ځل بیا پر کابل، کندهار، پکتیا، پکتیکا او ځینو نورو سیمو بمبار کړی دی. ورته مهال د‌ طالبانو تر واک لاندې ملي ټلوېزیون خبر ورکړی، چې تېره شپه د کابل په ۲۱مې ناحیه کې د پاکستان جېټ الوتکو د ملکي وګړو کورونه بمبار کړي دي. په راپور کې راغلي، د دغه بمباریو له امله ۳ ملکیان وژل شوي او ۱۵ نور ټپیان دي.

د طالبانو ویاند ذبیح‌الله مجاهد بیا خبرداری ورکړی: «دغه ظلم به بې‌ځوابه پاتې نه‌شي».

نوموړي د جمعې په ورځ (د کب ۲۲مه) پر اېکس پاڼه پر افغانستان د پاکستان وروستیو بریدونو په غبرګون کې کاږلي: «د تېرې شپې بمباري په هېواد کې د ملکي کسانو د مرګ ژوبلې لامل شوې».

ورته مهال د طالبانو ویاند ذبیح‌الله مجاهد هم ویلي، پاکستان تېره شپه یو ځل بیا پر کابل، کندهار، پکتیا، پکتیکا او ځینو نورو سیمو بمبار کړی دی. د نوموړي په وینا؛ پاکستان په دغه بریدونو سره په ځینو ځایونو کې د ولسي وګړو کورونه په نښه کړي، چې له امله یې یوشمېر ځايي اوسېدونکو ته مرګ ژوبله هم اوښتې ده.

له بل پلوه د‌ طالبانو تر واک لاندې ملي ټلوېزیون خبر ورکړی، چې تېره شپه د کابل په ۲۱مې ناحیه کې د پاکستان جېټ الوتکو د ملکي وګړو کورونه بمبار کړي دي. په راپور کې راغلي، د دغه بمباریو له امله ۳ ملکیان وژل شوي او ۱۵ نور ټپیان دي.

ذبیح‌الله مجاهد د جمعې په سهار وختي (د کب ۲۲مه) په خپله اېکس پاڼه د پاکستان یاد برید «جنایت» بللی او ویلي یې دي: «د پاکستان پوځي رژیم الوتکو د کندهار هوایي ډګر ته څیرمه د کام اېر شخصي هوایي شرکت د تیلو ذخیره وویشته».

د نوموړي په وینا، یاد شرکت ملکي هوایي شرکتونو او د ملګرو ملتونو الوتکو ته د سون مواد تیاروي او په وینا، یې پاکستان پخوا هم د حاجي خانزاده په نوم د یوه سوداګر د تیلو ذخیرې ویشتې وې.

خو نوموړي په دې اړه چې ایا په دغو بمباریو چا ته د سر زیان اوښتی او همداراز ایا په کندهار کې کوم نظامي مرکز هم په نښه شوی او که څنګه، څه نه‌دي ویلي، خو تر دې مخکې سرچینو ویلي وو، چې په کندهار کې د طالبانو یوه قول اردو هم په نښه شوې ده.