مسکو د روسيې د تېلو پېرلو په اړه د امریکا اجازې ته: د انرژۍ بازار له موږ پرته پایښت نه‌لري

د محکمې د راپور له مخې؛ هغه (د جنورۍ په ۲۱مه) د یوې جنسي ځورونې پېښې په تړاو تورن شوی و. همدارنګه په بلې دوسیه کې نجیب‌الله عرب د روان کال (د جنورۍ په ۲۷مه) د یوې بلې ښځې د جنسي ځورونې، جنسي تېري او تښتونې له تورونو سره مخ و.

نجیب‌الله عرب که څه هم په پيل کې د تښتونې تور رد کړی و؛ خو په وروستۍ محکمه کې یې پر دغه ټولو تورونو اعتراف وکړ. د پولیسو د راپور له مخې؛ هغه یوه ښځه له یوې کوڅې څخه په زور کش کړې وه او یوې کروندې ته یې بېولې وه.

د کشفي چارو مشر اسټوارټ مې د قربانیانو له زړورتیا مننه وکړه، چې دغه جرمونه یې راپور کړي دي او ویې ویل چې پولیس د جنسي جرمونو په ځانګړي ډول د ښځو او نجونو پر وړاندې د تاوتریخوالي راپورونه ډېر جدي نیسي.

ټاکل شوې ده، چې نجیب‌الله عرب به په یوې بلې ټاکلې نېټې د محکمې له‌خوا په رسمي ډول محکوم شي.

علي رضا بیکدلي په کابل کې له یوه خصوصي ټلویزیون سره په مرکه کې ویلي، چې پر ایران د امریکا او اسراییل د بریدونو پر مهال طالبانو او عامو افغانانو له ایران سره د همکارۍ هیله څرګنده کړې او نوموړي د طالبانو او افغانانو د یادې همدردۍ د څرګندولو له امله مننه کړې ده.

بیکدلي زیاته کړې: «زه د افغانستان له ملت څخه، د افغانستان د اسلامي امارت حکومت څخه او ټولو هغو کسانو څخه چې په دې ورځو کې چې د امریکا او اسراییل د تیري په مسله کې یې موږ ته مراجعه وکړه، موږ ته وویل، چې څنګه له تاسو سره مرسته او همکاري کولای شو. ای کاش وکولای شو، چې په دې برخه کې ستاسو ملاتړ وکړو. زه له دوی ټولو څخه مننه کوم».

نوموړي ویلي، چې ګڼو افغانانو د ایران د مذهبي رهبر د وژل کېدو په تړاو د غمشریکۍ په پروګرامونو ګډون وکړ او ایران به دا ټولې ښېګڼې هېڅکله هیرې نه‌کړي.

په کابل کې د ایران سفیر ویلي، چې ایرانیان او افغانان د یوه لرغوني تمدن پیاوړې څانګې دي او په وینا یې: «موږ او تاسو هغه کسان یو چې د یاد تمدن او بشري فرهنګ په رغښت کې به په ګډه نقش ولرو».

رویټرز د پنجشنبې په ورځ (د کب ۲۱مه) د فرانسې د پوځي چارواکو له قوله راپور ورکړی، چې ټپي شوي شپږ سرتېري نږدې روغتیايي مرکز ته لېږدول شوي، خو د هغوی د ټپونو د څرنګوالي او د برید د سرچینې په اړه جزییات نه‌دي ورکړل شوي.

پر همدغه مهال د عراق د اربیل والي اومېد خوشناو ویلي، چې یاده پېښه د اربیل په مخمور سیمه کې رامنځته شوې ده.

د عراق په اربیل سیمه کې د فرانسې سلګونه سرتېري مېشت دي او په سیمه کې امنیتي سرچینو رویټرز ته ویلي، چې عراقي شیعه وسله‌والو په وروستیو ورځو کې د امریکا او د هغې د متحدینو پر اډو بریدونه ډېر کړي دي.

پر فرانسوي سرتېرو برید پر داسې مهال شوی، چې یوازې څو ساعته وړاندې په ورته سیمه کې د ناټو په اډه کې پر ایټالوي ځواکونو هم برید شوی وو.

د دې کتنې پر مهال د پاکستان لومړي وزير يو ځل بيا ټينګار وکړ، چې هېواد يې په سختو حالاتو کې د سعودي عربستان تر څنګ ولاړ دی او بشپړ ملاتړ ترې کوي. جیونیوز ټلوېزیوني شبکې ویلي، چې د پاکستان او سعودي عربستان مشرانو د سیمې پر بدلونونو او روانو حالاتو هم خبرې اترې کړې دي.

په دې ليدنه کې پاکستان او سعودي عربستان هوکړې کړې، چې د سيمې د سولې او ثبات د پياوړتيا لپاره به خپلو ګډو همکاریو ته دوام ورکړي.

شهباز شريف په خپلو څرګندونو کې وويل، چې پاکستان به تل د سعودي عربستان تر څنګ ولاړ وي او د ګډ هدف، يعنې په سيمه کې د سولې د ټينګښت لپاره به خپلو هڅو ته دوام ورکړي. پاکستاني چارواکي داسې مهال سعودي ته سفر کوي، چې اسلام اباد له دغه هېواد سره دفاعي تړون لري. د دې تړون له‌مخې، که پر هر یوه دغو هېوادونو برید وشي، نو بل به یې ملاتړ ته رادانګي، خو په روانو حالاتو کې دا هوکړه نه‌ده عملي شوې.

له یوې خوا پاکستان له طالبانو سره جګړه کې دی او له بلې خوا ایران پر سعودي عربستان بریدونه کړي، خو دواړو هېوادونو له یو بل دفاع نه‌ده کړې.

د رویټرز د راپور له مخې، د پوهنتون چارواکو ویلي، یوه وسله وال کس د پوهنتون په ساحه کې ډزې پیل کړې او دوه کسان یې ټپیان کړل. د هغوی په وینا ټپیان سملاسي روغتون ته ولېږدول شول.

چارواکو زیاته کړې چې وروسته وسله وال کس د امنیتي ځواکونو په ډزو کې ووژل شو او نور د خلکو لپاره کوم ګواښ نشته.

تر اوسه د پېښې د علت او د ټپیانو د روغتیايي حالت په اړه نور جزییات نه دي خپاره شوي، خو امنیتي ادارو د پېښې پلټنه پیل کړې ده.