په خیبر پښتونخوا کې د چاودنې له امله اووه پاکستاني پولیس وژل شوي

د دغه وزارت په خبرپاڼه کې راغلي:« په بریدونو کې د کوهاټ پوځي قلعه ووېشتل شوه او همدارنګه یادې قلعې ته څېرمه په دوه کیلومترۍ کې د ډیورنډ کرښې د جګړې د قوماندې مرکز او د پوځي قلعې د قوماندان دفتر هم په دقیق ډول په نښه شول».

خبرپاڼه زیاتوي:« په دغه بریدونو کې د یادې کلا تاسیسات، د قوماندې مرکز، ډيپوګان او د عسکرو د هستوګنې ځایونه له‌منځه وړل شوي، چې درانه ځالي او مالي زیانونه یې اړولي دي».

بل لوري بیا د پاکستان خراسان ډایري ورځپاڼې د ځایي چارواکو په حواله لیکلي، د کوهاټ پوځي قرارګاه ته نږدې دوه بې‌پيلوټه الوتکې یې نسکوره کړې چې یوې چاودنه کړې او دوه کسه یې ټپيان کړي دي.

د پاکستان ډان ورځپانې د خېبر پښتونخوا د چارو ادارې د یوې خبرتيا له مخې لیکلي: «د سیمې د روان وضعیت له امله چې د پټرولو پر اکمالاتو اغېز کوي او ښايي د هېواد د بهرنیو اسعارو پر زېرمو فشار زیات کړي، د خېبر پښتونخوا حکومت پرېکړه کړې، چې ۶۰ سلنه د خپلو ټولو ادارو رسمي موټر د دوو میاشتو لپاره ودروي».

په خبرتیا کې د ټولو ادارو چارواکو ته سپارښتنه شوې، چې یاده پرېکړه عملي کړي. د خېبر پښتونخوا د چارو ادارې ویلي، چې د پولیسو عملیات، د قانون پلي کوونکو ماموریتونه او د ژغورنې او بېړنیو خدمتونو ادارې په دغه پرېکړه کې نه‌دي شامل.

په یوې بله خبرتیا کې د خېبر پښتونخوا د تاسیساتو ریاست اعلان کړی، چې د رسمي موټرو لپاره به د میاشتني تېلو اندازه ۲۵ سلنه راکمه شي. د خېبر پښتونخوا د اداري چارو ریاست د ټرانسپورټ څانګې په خبرتیا کې هم ویل شوي، چې د سیمې روان وضعیت او د تېلو د اکمالاتو د احتمالي کمښت له امله د چارواکو لپاره د میاشتني تېلو په امتیاز کې د راتلونکو دوو میاشتو لپاره ۲۵ سلنه کمښت عملي کېږي.

په دغه خبرتیا کې راغلي، چې د وزیرانو، سلاکارانو او د سر وزیر ځانګړو مرستیالانو د تېلو میاشتنۍ‍ انداره له ۳۹۰ لېټرو څخه ۲۹۲ لېټرو ته راکمه شوې ده.

په راپور کې ویل شوي، د امریکا بهرنیو چارو وزارت دغه پرېکړه څو ورځې وړاندې کانګرس ته استولې او ویلي یې دي چې له دې سره ۷.۵ مېلیونه ډالره سپمولی شي. دغه وزارت ویلي، چې د یادې څانګې په تړل کېدو سره به په پاکستان کې د امریکا ګټې زیانمنې نه‌شي.

دغه پرېکړه له تېر یو کال راهیسې تر هغه وروسته تر غور لاندې ده، چې د ټرمپ حکومت د خپلو لګښتونو کمولو پرېکړه وکړه. په راپور کې ویل شوي، چې دغه پرېکړه د ایران د جګړې سره تړاو نه‌لري او نه هم په پاکستان کې د امریکا پر ډیپلوماټیکو مرکزونو د لاریونونو له کبله ده.

په تېرکال کې د امریکا د لګښتونو کمولو پلان په لړ کې د دغه وزارت څو زره کارکوونکي له دندو ګوښه شول او د امریکا د نړۍوالې پراختیایي ادارې نږدې ټول کارکوونکي له دندو ګوښه او دغه اداره په بشپړه توګه منحل شوه.

په پېښور کې د امریکا د کونسلګرۍ تړل د دغه هېواد لومړنی بهرنی ډيپلوماټیک ماموریت دی، چې په بشپړه توګه بندیږي. په راپور کې ویل شوي، چې په پېښور کې د امریکا کونسلګري ۱۸ امریکايي ډيپلوماټان او ۸۹ ځايي کارکوونکي لري او د یادې کونسلګرۍ په تړلو به شاوخوا ۳ مېلیونه ډالر لګښت راشي.

د معلوماتو له مخې؛ د دغه پېسو تر نیمايي‌ ډېر ۱.۸ مېلیونه ډالر به د هغه زغره‌واله کانټینري دفترونو پر لېږد ولګول شي، چې دوی د لنډمهاله اوسېدو لپاره کارول او پاتې پیسې به د ګاډو، برېښنايي او مخابراتي تجهیزاتو او د دفتر د فرنیچر پر لېږد مصرف شي. دوی وايي، چې دغه ټول به په اسلام‌اباد کې د امریکا سفارت، کراچۍ، لاهور او نورو څانګو ته ولېږدوي.

د لکي مروت د پولیسو یو افسر وایي، چې دغه پېښه د سې‌شنبې په ورځ د شهید عصمت‌الله خان خټک د پولیسو حوزې اړوند سیمه کې شوې ده. هغه د پاکستان ډان ورځپاڼې ته ویلي: « دغه برید پنځه کم‌عمره ماشومان ټپیان کړي دي».

هغه زیاته کړې، چې د ټپیانو له ډلې دوه هلکان د سختو ټپونو له امله د بنو روغتون ته لېږدول شوي دي. بل‌خوا د بېړنیو پېښو پر وړاندې د مبارزې چارواکي شاداب خان هم ویلي، چې درې نورې ټپي شوې نجونې د سرای نورنګ تحصیل مرکزي روغتون ته انتقال شوې دي.

د پولیسو په وینا؛ له پېښې وروسته د امنیتي ځواکونو یو پلاوی سیمې ته رسېدلی او د برید د عاملانو د موندلو لپاره یې د لټون عملیات پیل کړي دي.

ایمل ولي خان د وسله والو د یوې ویډیو خپرېدو ته په غبرګون کې، چې ویل کیږي په باړه کې یې د موټرو تلاشي کوله، پر خپل اېکس ولیکل، « دا حالت ښيي چې لومړی باید په هېواد کې دننه د ترهګرۍ پر ضد روښانه او یو شان پالیسي خپله شي».

هغه زیاته کړې، چې تر هغه وخته په سیمه کې امن نه راځي تر څو په پاکستان کې د «ښه او بد» پالیسي پای ته ونه رسېږي.

ایمل ولي خان وايي، د خېبرپښتونخوا جنوبي ولسوالۍ لا له وړاندې د وسله والو تر اغېز لاندې دي او که حالت همداسې دوام وکړي نو د پېښور امنیت هم له ګواښ سره مخ کېدای شي.

د ده په وینا، حکومت باید د خلکو پام د انتخاباتي فورمونو ۴۷ او ۴۵ په بحثونو کې بوخت نه کړي او د امنیت پر ټینګښت تمرکز وکړي.

اېمل ولي خان ویلي چې په خېبرپښتونخوا کې د امن لپاره سلګونو زره پښتنو او زرګونو سیاسي فعالانو قربانۍ ورکړې دي، نو باید د هغوی قربانۍ بې ځایه نه شي. هغه د پاکستان پر حکومت غږ کړی چې د سیمې د امن د ټینګښت لپاره جدي او عملي ګامونه پورته کړي.

دا په داسې حال کې ده، چې د پاکستان پوځ او حکومت په دې وروستیو کې د خیبر په تیرا کې د عملیاتو په هدف ددې سیمو له خلکو وغوښتل چې سیمه پریږدي، خو د خلکو له وتلو وروسته تر دې مهاله په دې سیمه کې عملیات نه دي شوي.