د کندهار هوايي ډګر ته نږدې د تېلو پر یوې زېرمې د پاکستان برید ۶ لکه ډالر زیان اړولی

په کندهار هوايي ډګر کې طالب مسوولین وايي، پاکستان د تېلو پر هغه زېرمې برید کړی چې د خوړو نړۍوال پروګرام، یوناما او یو خصوصي شرکت ترې تېل اخیستل. په دغه برید کې تر ۶۰۰ ټنه زیات تېل سوځول شوي، چې لګښت یې ۶ لکه ډالرو ته رسېده.
د تېلو د یادې زېرمې یو مسوول ویلي، چې په پېښه کې دوه ملکي کسان هم ټپیان شوي دي. نوموړي ویلي، له برید شاوخوا ۱۰ ساعته اوړي؛ خو دغه اور لا نهدی مهار شوی. د طالبانو ویاند ذبیحالله مجاهد تر دې وړاندې ویلي و، چې د پاکستان «پوځي رژیم» الوتکو تېره شپه د کندهار هوایي ډګر ته څېرمه د یوه خصوصي هوايي شرکت د تېلو زېرمه په نښه کړې ده.
