پاکستان وایي پر کابل، پکتیا او کندهار بریدونو کې هېڅ ملکي وګړی نه دی زیانمن شوی
د پاکستان د اطلاعاتو وزیر عطاالله تارړ ویلي چې پر کابل، پکتیا او کندهار د پاکستاني بریدونو کې هېڅ ملکي وګړی نه دی زیانمن شوی. تر دې وړاندې یوناما ویلي و، چې په دغو بریدونو کې د ښځو او ماشومانو په ګډون ۴ کسه وژل شوي او ۱۴ نور ټبیان دي.
عطاالله تارړ د جمعې په ورځ پر اېکسپاڼه لیکلي چې د دې هېواد د ځواکونو په هوايي بریدونو کې په کابل، پکتیا او کندهار کې د افغانستان په هغو تاسیساتو حمله شوې چې د وسله والو سره تړاو لري.هغه زیاته کړه چې په دې حملو کې هېڅ ملکي وګړي یا غیرنظامي بنسټونه زیانمن شوي نه دي.
عطاالله تارر ویلي چې د «غصب الحق» عملیاتو د پیل راهیسې ۶۶۳ طالب جنګیالي وژل شوي او تر ۸۸۷ زیات نور ټپیان شوي دي.
مخکې له دې، طالبانو ویلي وو چې په ننگرهار کې په پاکستاني بریدونو کې ملکی وګړي وژل شوي دي.
په افغانستان کې د ملګرو ملتونو سیاسي استازولۍ (یوناما) ویلي، چې پر کابل یې د پاکستان د تېرې شپې د هوايي برید د ملکي تلفاتو شمېر مستند کړی. یوناما ویلي، چې په دغه برید کې د ښځو او ماشومانو په ګډون ۴ کسه وژل شوي او ۱۴ نور ټبیان دي.
یوناما یو وار بیا له دواړو خواوو غوښتي، چې سملاسي دې جګړه ودروي ترڅو د ملکي خلکو د زیان مخه ونیول شي.
