قزاقستان وایي افغانستان د قزاقي غنمو او اوړو د مهمو بازارونو له ډلې دی

قزاقي رسنیو د یاد وزارت له قوله ویلي چې په ۲۰۲۵کال کې ټولټال ۲۵.۹میلیونه ټنه غلجات ترلاسه شوي، چې له دې ډلې ۱۹.۳میلیونه ټنه یې غنم و.

د قزاقستان چارواکي زیاتوي چې د تولید زیاتوالی د صادراتو په وده هم اغېز کړی دی. د ۲۰۲۴–۲۰۲۵کلونو د بازار موده کې، د قزاقستان د غنمو او اوړو صادرات چې د غلې په معادل کې محاسبه شوي، ۱۵.۳میلیونه ټنو ته رسېدلي، چې د تیرو کالونو په پرتله ۶۰سلنه زیاتوالی ښيي.

همدارنګه، د ۲۰۲۶کال د بازار په موده کې د نویو حاصلاتو صادرات تر اوسه ۸.۵میلیونه ټنو ته رسېدلي چې د تیر کال د همدې مودې په پرتله ۱۴سلنه زیاتوالی ښيي.

د قزاقستان چارواکي وایي چې د دغه هېواد غلجات په دودیز ډول د منځنۍ اسیا په بازارونو لکه ازبکستان، تاجکستان، قرغزستان او افغانستان کې ډیره غوښتنه لري.

د یادولو وړ ده، چې د قزاقستان د اوړو اصلي بازارونه منځنۍ اسیا، افغانستان، روسیه او چین بلل شوي دي.