ټرمپ وايي چې د جګړې پای ته رسولو لپاره له ایران سره هوکړې ته لا چمتو نه دی
د امریکا ولسمشر ډونالډ ټرمپ خبرداری ورکړی چې کېدای شي د ایران د تیلو پر مهم صادراتي مرکز خارګ ټاپو نور بریدونه هم وکړي. هغه ویلي چې د جګړې د پای ته رسولو لپاره له تهران سره د هوکړې لپاره لا چمتو نه دی.
له ایران سره د امریکا او اسراییل جګړه درېیمې اوونۍ ته داخله شوې ده. ټرمپ ادعا کړې چې امریکایي بریدونو د خارګ ټاپو ډېره برخه «په بشپړه توګه ویجاړه» کړې او ویلي یې دي چې ښايي دا ځای «یو څو ځله نور هم په نښه شي».
بل لور ته ایران ویلي چې پر اسراییل او د امریکا پر درې پوځي اډو یې نور توغندي ویشتي دي.
