یوفا په دوحه کې د بینالقارهيي سوپر جام پایلوبه لغوه کړه
د اروپا د فوټبال اتحادیې (یوفا) په دوحه کې د ارجنټاین او هسپانیې ترمنځ د بینالقارهيي سوپر جام (فینالیسیما) پایلوبه لغوه کړه. ټاکل شوې وه، چې دا لوبه د وري اوومه نېټه ترسره شي.
اسوشېټېډ پرېس خبري اژانس لیکلي، چې په منځني ختیځ کې د کړکېچ په زیاتېدو سره د سوېلي امریکا د اتل (ارجنټاین) او د اروپا د اتل (هسپانیې) ترمنځ د دې لوبې امنیت له ناڅرګند برخلیک سره مخ شوی و.
تر دې وړاندې په بحرین او سعودي عربستان کې د فارمولا وڼ سیالۍ هم چې ټاکل شوې وه په اپرېل میاشت کې ترسره شي، په سیمه کې د جګړې له امله لغوه شوې وې.
