د اوکراین ولسمشر ولادیمیر زېلېنسکي ویلي، روسیې یوازې په تېره یوه اوونۍ کې پر اوکراین د ۱۷۷۰ ډرون، تر ۱۵۳۰ ډېرو هدایتشویو هوايي بمونو او ۸۶ توغندیز بریدونه کړي چې په دې کې له شلو زیات یې بالستیک توغندي وو.
د اوکراین ولسمشر ولادیمیر زېلېنسکي ویلي، چې روسیې په تېره یوه اوونۍ کې پر اوکراین پراخ هوايي بریدونه کړي او په سلګونه بېلابېلې وسلې یې کارولې دي.
د اوکراین ولسمشر زیاته کړې، که نړۍ په اروپا او منځني ختیځ کې په یو وخت د بالستیک توغندیو د مخنیوي لپاره کافي هوايي دفاع ونه لري؛ نو باید روسیه هم له دغه وړتیا بېبرخې کړي.
زېلېنسکي په پای کې له هغو هېوادونو او بنسټونو مننه کړې، چې د بندیزونو د پیاوړتیا لپاره کار کوي او ویلي یې دي چې دغه اقدامات د خلکو د خونديتوب لپاره مهم دي.
