په فرانسه کې د ښاروالیو ټاکنې تر راتلونکو څو ساعتونو پیلېږي

د شمالي کوریا دولتي اژانس د شنبې په ورځ (د کب ۲۳مه) راپور ورکړی، چې کیم جونګ اون د ۶۰۰ ملي متره کالیبر لرونکو ۱۲ میله راکټ لانچرونو له ازمویلو څخه له نږدې لیدنه وکړه.

دغه تازه ازمویل شوي راکټونه د ۳۶۴ کیلو متره لرې هدف په نښه کولو لپاره ډیزاین شوي دي.

په راپور کې د کیم جونګ اون له قوله لیکل شوي: «هغه دښمنان چې په ۴۲۰ کیلومتري واټن کې دي، له ناارامۍ سره مخ کړي او هغوی ته به د تاکتیکي اټومي وسلو د ویجاړونکي ځواک په اړه ژور پوهاوی ورکړي».

د راپورونو له‌مخې، توغول شوي راکټونه په ختیځ سمندرګي کې د ۳۴۶،۴ کیلومتره لرې هدف سل سلنه دقیق ویشتلی دی.

د شمالي کوریا دولتي اژانس ویلي، چې د نویو توغندیو ازمویلو ګام یې د امریکا او سویلي کوریا د ګډو پوځي تمرینونو په ځواب کې پورته کړی دی.

شمالي کوریا د امریکا او سویلي کوریا ګډ پوځي تمریونه د «جګړې تمرین» بللی دی.

د مسکو ښار وال ویلي، چې عملیاتي ډلې د ډرون الوتکو د پاتې شونو پر څېړلو بوختې دي.

د نوموړي له لوري پر ټېلګرام په یوه خپاره شوې بیان کې راغلي، چې د یادو بې‌پيلوټه الوتکو د شنډولو عملیات په ۱۱ ساعتونو کې بشپړ شوي دي.

دا په داسې حال کې ده، چې د روانې اونۍ په جریان کې اوکرایني ځواکونو اعلان کړی وو، چې د روسیې په بریانسک سیمه کې یې د توغندیو د پرزو جوړولو یوه مهمه فابریکه په نښه کړې او روسي چارواکو هم تایید کړې وه، چې په یاد برید کې ۷ کسان وژل شوي وو.

د جمعې په ورځ (د کب ۲۲مه) د پاکستان د تحریک انصاف ګوند مشرانو په یوې خبري ناسته کې وویل، چې د عمران خان مناسبې روغتیایي پاملرنې لپاره یې هره ممکنه هڅه کړې؛ خو حکومت یې غوښتنې په وار، وار رد کړې دي.

د خیبر پښتونخوا سر وزیر سهیل اپریدي بیا ویلي، چې د حکومت دغه چلند د منلو وړ نه‌دی او ګوند یې د خپل بنسټګر د ازادۍ لپاره هر ډول اقدام ته چمتو دی. هغه یادونه وکړه، چې ګوند یې د روژې میاشتې په درناوي په لنډمهالي ډول خپل سیاسي فعالیتونه درولي دي.

نوموړي د عمران خان روغتیایي وضعیت په اړه د پاکستان حکومت چلند له بشري حقونو سرغړونه بللې ده. هغه وویل: «د پي‌ټي‌ای مشر عادي وګړی نه‌دی، هغه د پاکستان پخوانی لومړی وزیر دی او حکومت د هغه د درملنې قانوني او اخلاقي مسوولیت لري».

د دغه ګوند وکیل بابر اعوان د عمران خان د روغتیا په اړه د پاکستاني حکومت چلند جنایي عمل وباله او خبرداری یې ورکړ، که د هغه روغتیا ته سمه پاملرنه ونه‌شي؛ نو مسوولین به په هېڅ ځای کې پټ پاتې نه‌شي.

یادو درېیو سترو اسلامي نړۍوالو سازمانونو په یوې ګډې اعلامیې کې د اسراییل له لوري په روژه میاشت کې د الاقصی جومات تړل، د نړۍ د مسلمانانو د احساساتو پارول او له مذهبي ازادۍ ښکاره سرغړونه بللې ده. یادو سازمانونو خبرداری ورکړی، چې د اسراییل له لوري دا ډول پارونکي اقدامات به په سیمه کې د تاوتریخوالي کچه لوړه کړي او نړۍواله سوله به له ګواښ سره مخ کړي.

په اعلامیه کې پر نړۍوالې ټولنې په خانګړي ډول د ملګرو ملتونو پر امنیت شورا غږ شوی چې :«پر اسراییل فشار راوړئ څو د الاقصی جومات دروازې سمدستي د عبادت کوونکو پر مخ پرانیزي او د القدس ښار تاریخي او قانوني وضعیت ته دې درناوی وکړي».

په اعلامیه کې راغلي، چې د الاقصی جومات ټول ۱۴۴ جریبه حریم یوازې د مسلمانانو د عبادت ځای دی او بل څوک په‌کې د مداخلې حق نه‌لري.

دا غبرګون پرداسې مهال ښودل شوی، چې په دې وروستیو څو ورځو کې اسراییلي ځواکونو په القدس او شاوخوا سیمو کې امنیتي تدابیر سخت کړي، چې له امله یې زرګونه فلسطینیان د روژې په میاشت کې په الاقصی جومات کې له عبادت کولو څخه محروم شوي دي.

هغه وویل، ځواکمنې افغانې مېرمنې د طالبانو تر ظالمانه رژیم لاندې ژوند کوي، چې پر دوی د تعلیم، کار او عامه ژوند په برخه کې سخت محدودیتونه لګول شوي دي. سربېره پر دې، د ښځو د حقوقو مدافعې او د ټولنیزې مبارزې هڅې هم د طالبانو له خوا له ستونزو سره مخ دي.

د ایرلینډ استازي ټینګار وکړ چې افغانې مېرمنو، سره له دې محدودیتونو، د عدالت ترلاسه کولو هڅې روانې ساتلي دي او ځینې نورې ډلې هم په دې لاره کې مبارزه کوي.

ایرلینډ په څرګند ډول وویل چې دوی د افغان ښځو سره په دوامداره توګه اوږه په اوږه ولاړ دي او اوس د حساب ورکونې وخت رارسېدلی دی.