فرانس پرېس: اسراییل او لبنان په راتلونکو ورځو کې د حزب‌الله په اړه مذاکرات کوي

د رغتیا د نړۍوال سازمان مشر ټیډروس اډانوم ګبریسوس خبرداری ورکړی، چې په منځني ختیځ کې روانه جګړه د سیمې روغتیايي سیستمونه له ګواښ سره مخ کړي دي.

نوموړي ویلي، چې د جګړې له امله د اغېزمنو شویو هېوادونو لبنان، عراق او سوریې د روغتیايي ملاتړ لپاره یې ۲ میلیونه ډالره ځانګړې کړې دي.

پر همدغه مهال نوموړي په منځني ختیځ کې پر روغتونونو او روغتیايي کارکوونکو بریدونه وغندل او له ښکېلو خواوو یې غوښتنه کړې، چې د خلکو د ژوند د ژغورلو لپاره د سولې لاره خپله کړي.

له ایران سره د امریکا او اسراییل جګړه درېیمې اوونۍ ته داخله شوې ده. ټرمپ ادعا کړې چې امریکایي بریدونو د خارګ ټاپو ډېره برخه «په بشپړه توګه ویجاړه» کړې او ویلي یې دي چې ښايي دا ځای «یو څو ځله نور هم په نښه شي».

بل لور ته ایران ویلي چې پر اسراییل او د امریکا پر درې پوځي اډو یې نور توغندي ویشتي دي.

ګوترېش، نن یکشنبه د کب په ۲۴مه پر اېکس ولیکل، چې مسلمانان نه یوازې له تبعیض سره مخ دي، بلکې کله ناکله بې‌دلیله څارل کېږي او د هغوی پر وړاندې دوسیې هم جوړېږي.

هغه په خپلو څرګندونو کې ویلي «راځئ یو ځل بیا د برابرۍ، بشري حقونو او د هر انسان د کرامت د درناوي لپاره ژمنه وکړو، پرته له دې چې د هغه دین څه وي.»

د ملګرو ملتونو سرمنشي تر دې وړاندې هم په نړۍ کې د تلپاتې سولې د ټینګښت، د کړکېچونو د کمېدو او د تبعیض د له منځه وړلو غوښتنه کړې وه.

نوموړي ټینګار کړی چې د ملګرو ملتونو منشور د هېوادونو ترمنځ د اړیکو بنسټ دی او د اختلافاتو د سوله‌ییز حل لارښود ګڼل کېږي.

ګوترېش ویلي چې که دولتونه د منشور اصولو ته ژمن پاتې شي، دا کار کولای شي د تاوتریخوالي او کړکېچونو د پراخېدو مخه ونیسي او د یوې خوندي او عادلانه نړۍ د رامنځته کېدو لامل شي.

د اوکراین ولسمشر ولادیمیر زېلېنسکي ویلي، چې روسیې په تېره یوه اوونۍ کې پر اوکراین پراخ هوايي بریدونه کړي او په سلګونه بېلابېلې وسلې یې کارولې دي.

د اوکراین ولسمشر زیاته کړې، که نړۍ په اروپا او منځني ختیځ کې په یو وخت د بالستیک توغندیو د مخنیوي لپاره کافي هوايي دفاع ونه لري؛ نو باید روسیه هم له دغه وړتیا بې‌برخې کړي.

زېلېنسکي په پای کې له هغو هېوادونو او بنسټونو مننه کړې، چې د بندیزونو د پیاوړتیا لپاره کار کوي او ویلي یې دي چې دغه اقدامات د خلکو د خونديتوب لپاره مهم دي.

د رویټرز د راپور له‌مخې، ښاروالان په فرانسه کې تر ټولو د باور وړ چارواکي دي چې د نږدې ۳۵۰۰۰ ښاروالیو مشري کوي؛ له لویو ښارونو نیولې تر هغو کلیو پورې چې ډېر کم اوسېدونکي لري.

رایه اچونه د یکشبنبې په سهار ۸ بجو پیلېږي او د شپې په ۸ بجو پای ته رسېږي. په ډېریو منځنیو او لویو ښارونو کې به دویم پړاو ټاکنې ۷ ورځې وروسته ترسره شي. د محلي ټاکنو پایلې کولی شي ملي کچې ته لاره هواره کړي، په ځانګړې توګه کله چې دا د ولسمشرۍ ټاکنو ته دومره نږدې ترسره کېږي. د نظر پوښتنو له‌مخې، سختدریځه ښي اړخی ګوند یا «ار‌اېن» د راتلونکي کال د ولسمشرۍ ټاکنو د ګټلو چانس لري.

دغه ګوند د کډوالۍ ضد او د اروپایي ټولنې مخالف ګوند دی. که څه هم یاد ګوند په سلګونو ښاروالیو کې نوماندان لري، خو د سترې بریا تمه نه‌لري، مګر هیله من دی چې خپل مخ پر زیاتېدونکی محبوبیت وښیي او په څو لویو ښارونو کې بریاوې ترلاسه کړي، څو د ولسمشرۍ کمپاین یې نور هم پیاوړی شي.

د یادونې وړ ده، چې د ۲۰۲۷ کال په اپرېل کې د ولسمشرۍ ټاکنو ته په کتو دغه ټاکنې، د ټولو ګوندونو لپاره خورا برخلیک ټاکونکې دي.