طالبان وايي په جنوبي وزیرستان کې یې د پاکستان د ځانګړو ځواکونو پر ودانۍ ډرون برید کړی

له یاد سفارت څخه په خپره شوې خبرپاڼه کې راغلي، چې په دې غونډه کې د ترکیې د حکومت ځینو چارواکو، په انقره کې مېشتو بهرنیو سفیرانو او ډیپلوماټانو، د سیاسي ګوندونو استازو او یو شمېر افغان محصلانو ګډون کړی و.

خبرپاڼه زیاتوي، چې طالب سفیر شیخ صنیع‌الله فرهمند په دغو مراسمو کې د افغانستان او ترکیې اړیکې تاریخي وبللې او ویې ویل چې دا اړیکې د متقابل احترام او همکارۍ پر بنسټ ولاړې دي.

هغه همداراز وویل چې په افغانستان کې اقتصادي فعالیتونو، سوداګري، پانګونې او سیمه‌ییزې همکارۍ پراختیا موندلې ده.

طالب سفیر د ترکیې د خیریه بنسټونو له مرستو مننه کړې او هیله یې څرګنده کړې چې د کابل او انقرې ترمنځ اړیکې به په راتلونکې کې لا پراخې او پیاوړې شي.

نبیل دهبت‌الله اخوندزاده «درنه چوپتیا» د پوښتنې وړ بللې ده.

د افغانستان د ملي امنیت پخواني رییس ټینګار کړی چې د پاکستان پر بریدونو د طالبانو د مشر چوپتیا د خلکو په ذهن کې یوه اساسي پوښتنه راولاړوي او هغه دا، چې «څنګه کېدای شي د رعیت د ژوند په ډېرو کوچنیو چارو کې فرمانونه صادر شي، خو د هېواد د حاکمیت د نقض او پر خاوره د تېري په تړاو حتا یو روښانه دریځ هم و نه نیول شي؟».

نبیل اندېښنه ښودلې چې افغانستان به دا ځل د «دارالخوارج» په پلمه یو ځل بیا قرباني شي.

پاکستان ادعا کوي چې په افغانستان کې یې د روانو بریدونو هدف د وسله والو ډلو، په ځانګړي ډول د تحریک طالبان پاکستان غړي دي چې یاد هېواد ورته «فتنه الخوارج» وايي.

د ملي امنیت پخواني رییس له روان بحران څخه د وتلو اساسي لاره له «رعیت» څخه «ملت» ته اوښتل بولي.

د هغه په باور، هغه هېواد چې خلک یې «رعیت» بلل کېږي، نه به تلپاتې امنیت او نه هم روښانه راتلونکی ولري.

د نبیل په وینا: «هغه هېواد چې خلک یې ملت وي، بیا به په اسانۍ د تکفیر د فتوو او د ورانکارو سیاستونو قرباني نه شي».

د یاد ریاست د معلوماتو له مخې، دغه سیمې د بغلان د مرکز د ۸ او ۹ سړکونو په مسیر او د «چمقله» لرغونې سیمې په اوږدو کې پرتې دي. طالب چارواکي وایي دا سیمې د فرهنګي میراثونو د ساتنې د مدیریت د هڅو په پایله کې کشف او تثبیت شوې دي.

د لومړنیو څېړنو پر بنسټ، د لرغون‌پوهانو په حضور کې د دغو سیمو د دېوالونو پاتې شوني موندل شوي چې له خښتو او پخڅې جوړ شوي دي. همدارنګه د خاورینو لوښو ټوټې، اېرې او د هډوکو ځینې پاتې شوني هم کشف شوي.

طالبان په داسې حال کې د تاریخي سیمو او میراثونو د خوندي ساتلو خبره کوي چې دې ډلې د خپلې لومړنۍ واکمنۍ پر مهال په بامیان کې د بودا تاریخي مجسمې ونړولې.

د سره صلیب نړۍوال فدراسیون د اسیا – پاسیفیک څانګې او سرې میاشتې ټولنې پر اېکس پاڼه لیکلي، چې په افغانستان کې د وروستیو جګړو له زیاتېدو وروسته بشري اړتیاوې مخ په زیاتېدو دي.

یاد فدراسیون ویلي، چې د دغه مرستو په لړ کې به د سرپناه او نورو بېړنیو توکو بنسټیزې زېرمې پکتیکا ولایت ته واستول شي. د دوی په وینا؛ دغه مرستې به د افغانستان د سرې میاشتې ټولنې په همکارۍ هغو کورنیو ته ورسېږي، چې تر ټولو ډېرې اړتیاوې لري.

د یاد فدراسیون په خبره؛ «بشري اړتیاوې مخ په زیاتېدو دي او د زیانمنو خلکو ملاتړ اوس تر بل هر وخت ډېر مهم دی». دغه ادارې ټینګار کړی، چې د وضعیت له بدلون سره سم به هڅه وکړي؛ څو تر ټولو اړمنو کورنیو ته ژرترژره مرستې ورسوي.

د ترکمنستان سفارت پر اېکس پاڼه لیکلي، په یاده ناسته کې چې د ترکمنستان سفیر هم ګډون لاره؛ دواړو خواوو د ټاپي پروژې د مسیر د ځمکو د استملاک بهیر او د یادې پروژې د تطبیق د اسانتیا لپاره د اړونده ادارو ترمنځ د همغږۍ پر څرنګوالي خبرې کړې دي.

دغه سفارت څرګنده کړې، دواړه خواوو په ګډه ژمنه وکړه چې د یادې پروژې د پلي کولو لپاره به اړینې چارې په همغږۍ او رڼه توګه ترسره کړي. د ترکمنستان سفیر خواجه عوضوف او د ټاپي پروژې رییس امانوف دواړو ټینګار کړی، چې دغه پروژه د دواړه هېوادونو لپاره ستر اقتصادي اهمیت لري.

نوموړي سفارت ویلي، دغه ناسته د پروژې د پلي کولو په برخه کې د خنډونو کمولو او د اړونده ادارو د ګډ کار د تضمین لپاره ترسره شوې.