له ایران سره جګړې چین ته د ټرمپ سفر وځنډاوه
د متحده ایالاتو ولسمشر ډونالډ ټرمپ ویلي، چې په منځني ختیځ کې د روانې جګړې له امله ترې غوښتل شوي، چې د چین له ولسمشر سره خپله راتلونکې لیدنه «شاوخوا یوه میاشت» وځنډوي. دا سفر د ۱۴۰۵ کال د وري میاشتې د دویمې نیمایي لپاره پلان شوی و.
ټرمپ د دوشنبې په ماښام په سپینه ماڼۍ کې د درغلیو پر وړاندې د مبارزې د ځانګړې کاري ډلې د جوړولو د اجراییوي فرمان د لاسلیک په مراسمو کې وویل: «زه غواړم دلته واوسم. داسې احساس کوم چې باید دلته واوسم. دا مهمه ده چې زه دلته باید واوسم. له همدې امله ښايي هغه (سفر) لږ وځنډوو».
