د امریکا ولسمشر ډونالډ ټرمپ په سپینه ماڼۍ کې د یو لړ مراسمو پر مهال وویل، چې امریکا د ایران اسلامي جمهوري دولت «بشپړ ګنګس او متزلزل» کړی او دغه رژیم اوس درک کړې، چې اټومي وسلو ته لاسرسی نه شي موندلی.
ټرمپ د امریکا د پوځ د ځواکمنۍ په ستاینې سره له خپلو نظامي ځواکونو څخه په اوسنیو عملیاتو کې د هغوی د رول له امله مننه وکړه.نوموړي وویل: «موږ یو لوی هېواد لرو او د نړۍ تر ټولو ځواکمن پوځ په اختیار کې لرو. ما دا پوځ د خپلې ولسمشرۍ په لومړۍ دوره کې بیا ورغاوه او تمه مې نه درلوده چې په دویمه دوره کې به یې تر دې کچې کارولو ته اړ شم».
