د پاکستان بهرنیو چارو وزارت: زموږ اټومي وړتیا یوازې دفاعي ده
د پاکستان بهرنیو چارو وزارت د اسلام اباد د توغندیز پروګرام اړه ویلي، چې اټومي وړتیاوې یې یوازې دفاعي بڼه لري. د امریک د ملي استخباراتو رییسې په خپلو وروستیو څرګندونو کې ویلي، چې روسیه، چین، شمالي کوریا، ایران او پاکستان پر داسې توغندیزو سیستمونو بوخت دي، چې امریکا ته رسېدای شي.
یاد وزارت اعلامیه کې ویلي چې د پاکستان پوځي وړتیاوې «په بشپړه توګه دفاعي» دي او د «لږ تر لږه باوري مخنیوي» پر اصل ولاړې دي.
د اعلامیې له مخې، «د پاکستان توغندیز پروګرام د دغه هېواد د ملي حاکمیت د ساتنې او په سویلي اسیا کې د ثبات د ټینګښت لپاره جوړ شوی دی». اندرابي ټینګار کړی چې د پاکستان د توغندیو واټن د ځمکه پر ځمکه وړتیا تر کچې نه رسېږي او دا پروګرام تر ډېره له هند سره د سیمهییزو امنیتي شرایطو په چوکاټ کې تعریف شوی دی.
په اعلامیه کې د هند د توغندیزو پرمختګونو په اړه هم اندېښنه ښودل شوې او ویل شوي چې د دغه هېواد ځینې توغندي له ۱۲زره کیلومترو څخه زیات واټن لري، چې دا د سیمې له اړتیاوو هاخوا دي او ښايي پر نړیوال ثبات هم اغېز وکړي.
پاکستان همداراز له امریکا سره د رغنده اړیکو پر دوام ټینګار کړی او غوښتنه یې کړې چې د سیمې د سولې او ثبات لپاره دې متوازن او پر حقایقو ولاړ چلند غوره شي.
