په جرمني کې «د افغانستان مېرمنې» په نامه یو هنري نندارتون پرانېستل شوی
د جرمني د سترالسوند ښار په «شنه دفتر» کې د «افغانستان مېرمنې» په نوم د افغان ښځو د ژوند، زړورتیا او د ظلم د پای ته رسېدو د هیلو انځورونه نندارې ته وړاندې شوي دي. دا نندارتون د افغانې هنرمندې حفیظه قاسمي هنري کارونو ته ځانګړی شوی چې د ښځو د ژوند ستونزې، مقاومت او هیلي بیانوي.
قاسمي، چې د خپلو اصلي اثار له ویجاړیدو وروسته له افغانستان څخه وتښتېده، یوازې د عکسونو له لارې یې خپل اثار مستند کړي، او په دغه نندارتون کې یې د خپلو پخوانیو اثارو ټوټې او جرمني ته له رسېدو وروسته نوي پنځولي اثار نندارې ته وړاندې کړي دي.
په نندارتون کې د افغانستان د ښځو د ورځني ژوند، محدودیتونو او د هغوی د خپلواکۍ لپاره د هڅو بېلابېلې کیسې انځور شوي دي.
نندارتون د راروانې میاشتې اپرېل تر پای پورې د سترالسوند ښار په «شنه دفتر» کې د لیدو وړ دی.
په دغه نندارتون کې خلکو ته دا فرصت برابریږي چې د افغان ښځو د ژوند او مقاومت انځورونه وګوري او د هغوی د تجربو په اړه خبرې وکړي.
