د کډوالۍ نړۍوال سازمان: په هرات کې ناڅاپي سختو سېلابونو ۸۰ کورنۍ زیانمنې کړې

په افغانستان کې د کډوالۍ نړۍوال سازمان د پنجشنبې په ورځ ویلي، چې په هرات کې ناڅاپي بارانونو او سېلابونو ۸۰ کورنۍ زیانمنې کړې دي. دغه سازمان ویلي، چې سېلابونو یوشمېر کورونو او سړکونو ته هم زیان اړولی.
د کډوالۍ نړۍوال سازمان د پنجشنبې په ورځ (د کب ۲۸مه) پر اېکس پاڼه لیکلي، چې د دوی ډلې په سیمه کې اړتیاوې ارزوي او زیانمنو ته مرستې رسوي.
