د افغانستان د وزلوبې ملي لوبډلې په نړۍوال جام کې درېیم مقام خپل کړ

افغان لوبډله د ډله‌ییزو لوبو په پړاو کې د خپل غوره فعالیت او درېیو پرله‌پسې بریاوو سره د خپل ګروپ ترټولو مخکښه لوبډله وه. په بله نیمه پای لوبه کې قزاقستان، روسیې ته د ۶-۴ په توپیر ماتې ورکړه او پای لوبې ته یې لار ومونده.
په دې توګه، د دغه سیالۍ پای لوبه به د قزاقستان او ازبکستان لوبډلو ترمنځ ترسره شي. د یادونې ده، چې د افغانستان د وزلوبې ملي لوبډله په ډله‌ییز پړاو کې له هنګري، روسیې او منګولیا لوبډلو سره په دویم ګروپ کې همډلې وه او په غوره فعالیت سره یې خپلې درې واړه لوبې په بریا سره پای ته ورسولې.
د دغه سیالیو په لومړي ګروپ کې د چین، قزاقستان، تاجکستان او ازبکستان لوبډلې شامې وې، چې قزاقستان او ازبکستان ترې نیمه پای لوبې ته ورسېدل.

100%

100%

افغانستان د دغه سیالیو په ګروپي پړاو کې دویم ګروپ کې له روسیې، هنګري او منګولیا سره همډلی و او د غوره فعالیت سره یې خپلې ټولې درې لوبې وګټلې. افغان لوبډله د ۹ نمرو په ترلاسه کولو سره د خپل ګروپ مخکښې لوبډلې په توګه نیمه پای لوبې ته ورسېده.

افغان چاپ‌اندازانو وکولای شول، پرته له دې چې خپلو مخالفینو ته یو امتیاز هم ورکړي؛ په دغه پړاو کې ۲۶ ځله هدف تر حلالې کړۍ ورسوي. له دې ډلې د روسیې لوبډله هم د ۶ امتیازونو سره دویمه لوبډله شوه، چې نیمه پای لوبې ته یې لار ومونده.

100%

په دغه سیالیو کې ۹ لوبډلو ګډون کړی، چې په دوو ګروپونو وېشل شوې دي؛ لومړی ګروپ پنځه لوبډلې لري او دویم ګروپ بیا څلور لوبډلې لري. د دغه سیالیو په لومړي ګروپ کې د ترکیې، قزاقستان، چین، تاجکستان او ازبکستان لوبډلې شاملې دي.
د نیمه پای لوبې مهالوېش:
قزاقستان – روسیه
جمعه (د کب ۲۹مه) ۱۴۰۴، د افغانستان په وخت ۱۰:۳۰ بجې

افغانستان – ازبکستان

جمعه (د کب ۲۹مه) ۱۴۰۴، د افغانستان په وخت ۱۱:۳۰ بجې
د یادونې وړ ده، د ترکیې لوبډله سره له دې چې د پچې اچونې په مراسمو کې یې ګډون لاره؛ د خپل یوه لوبغاړي د ټپي کېدو له امله له دغه سیالیو بهر شوه.

100%

دا په دغه سیالیو کې د افغان لوبغاړو دویمه پرله‌پسې بریا ده. د افغانستان د وزلوبې ملي لوبډلې تر دې مخکې په خپله لومړۍ لوبه کې د هنګري لوبډلې ته د ۱۴-۰ په توپیر ماتې ورکړې وه.

افغان لوبډله به نن د افغانستان په وخت د غرمې په ۱۲:۳۰ بجو په خپله درېیمه لوبه کې د منګولیا په وړاندې ولوبېږي. افغانستان د دغه سیالیو په دویم ګروپ کې له روسیې، هنګري او منګولیا سره همډلی دی.

په دغه سیالیو کې ۹ لوبډلو ګډون کړی، چې په دوو ګروپونو وېشل شوي دي؛ لومړی ګروپ پنځه لوبډلې لري او دویم ګروپ بیا څلور لوبډلې لري. د دغه سیالیو په لومړي ګروپ کې د ترکیې، قزاقستان، چین، تاجکستان او ازبکستان لوبډلې شاملې دي.
دغه سیالۍ سې‌شنبه (د کب ۲۶مه) پیل شوې، چې د وري میاشتې تر لومړۍ نېټې به دوام وکړي. دغه سیالۍ د قزاقستان په کوربه‌توب په ترکستان ښار کې ترسره کېږي.

100%

افغانستان د دغه سیالیو په دویم ګروپ کې له روسیې، هنګري او منګولیا سره همډلی دی. په دغه سیالیو کې ۹ لوبډلو ګډون کړی، چې په دوو ګروپونو وېشل شوي دي؛ لومړی ګروپ پنځه لوبډلې لري او دویم ګروپ بیا څلور لوبډلې لري.

د دغه سیالیو په لومړي ګروپ کې د ترکیې، قزاقستان، چین، تاجکستان او ازبکستان لوبډلې شاملې دي. دغه سیالۍ پرون سې‌شنبه (د کب ۲۶مه) پیل شوې، چې د وري میاشتې تر لومړۍ نېټې به دوام وکړي. دغه سیالۍ د قزاقستان په کوربه‌توب په ترکستان ښار کې ترسره کېږي.

د سیالیو ګروپ بندي:
لومړی ګروپ: ترکیه، چین، قزاقستان، تاجکستان او ازبکستان
دویم ګروپ: افغانستان، هنګري، روسیه او منګولیا

100%

په دغه سیالیو کې د افغانستان ملي لوبډلې جوړښت:
لوبغاړي: عبدالسلام ایماق، سید مقصود شېرپور، نجیب الله کاروان، احمد جاوید نظري، محمد ابراهیم حکیمي، عبدالسمیع عاشوري، محمد الیاس عمرخیل، دادالله احمدي، صدرالحق پهلوان‌زاده، صفت الله پهلوان، محمد افغان او فرید صفري.
روزونکی: ذبیح الله حاجي‌زاده

چارسمبالی: حیات الله نظري

رییس: غلام سرور جلال

100%

په دغه سیالیو کې به د افغانستان، چین، قزاقستان، هنګري، منګولیا، ازبکستان، روسیې، تاجکستان او ترکیې لوبډلې د اتلولۍ لپاره سیالي وکړي.

تر دې وړاندې د طالبانو د المپیک او بدني روزنې ادارې مشر احمدالله وثیق هم ویلي و، چې د افغانستان د وزلوبې ملي لوبډله به له نهو کلونو ځنډ وروسته یو ځل بیا د قزاقستان په کوربه‌توب د «کوک پار» په نړۍوالو سیالیو کې ګډون وکړي.

وزلوبه یا کوک پار د منځنۍ اسیا او افغانستان دودیزه لوبه ده، چې په وروستیو کلونو کې یې نړۍوالې سیالۍ هم جوړېږي.