پر افغانستان د پاکستان د بریدونو خلاف په ناروې کې افغانانو لاریون کړی

د طالبانو تر واک لاندې د ازموینې ملي ادارې مشر نن یکشنبه، د وري پر ۹مه په کابل کې یوې خبري ناستې پرمهال وویل، چې په اختصاصي برخو کې د جذب کچه ۸ زره ۵۸۵ او شپني پروګرام ته څلور زره شپږ تنه ده، چې ټول شمېر یې ۷۴ زره ۵۰۵ کېږي.

دغه راز حقاني د ماسټرۍ د جذب وړتیا ۲ زره ۷۰ ښودلې ده.

د طالبانو ازموینو ملي ادارې رییس عبدالباقي حقاني ویلی، چې د کانکور ازموینې د معیاري کولو په ځانګړې ډول د پوښتنو بانک په برخه کې جدي هڅې شوې دي.

نوموړي ویلي، چې متخصص استادان ګومارل شوي چې په معیاري ډول پوښتنې چمتو کوي.

د طالبانو د ازموینو ملي ادارې رییس زیاته کړې، پر پوښتنو د لا ښه پوهېدو لپاره د ژباړې بهیر له منځته وړل شوی او د دري ژبې پوښتنې د دري استادانو او د پښتو ژبې د پښتو استادانو له لوري چمتو کېږي.

د طالب چارواکو په وینا، د سږ کال کانکور عمومي ازموینه به په څلورو پړاوونو کې واخيستل شي او لومړی پړاو به په ۱۵ ولايتونو کې د غویي میاشتې پر ۲۱مه، دويم پړاو به په ۱۸ ولايتونو کې د غویي پر ۲۸مه، درېيم پړاو کې به په پلازمېنه کابل کې د غبرګولي پر ۱۲مه د مرکز د ۱۲مو ټولګیو د فارغانو ازموینه وي او وروسنی پړاو به د غبرګولي پر ۲۲مه پيل او تر بایومټریک وروسته به ترې ازموینه واخيستل شي.

د سږني کال کانکور ازموینې لپاره د طالبانو د لوړو زده کړو وزارت له لوري د جذب ظرفیت ۷۴ زره ۵۰۵ تنه ټاکل شوی.

د یادونې وړ ده، چې روان کال هم په راتلوونکي کانکور ازموینې کې د نجونو د ګډون په تړاو هېڅ اشاره نه ده شوې.

د طالبانو له بیاځلي واک ته رسېدو سره دې ډلې له شپږم ټولګي پورته د نجونو پر زده کړو بندیز لګولی دی.

د طالبانود هلمند والي امان‌الدین منصور د یکشنبې په ورځ بدخشان ولایت ته د خپل سفر پر مهال په یوه غونډه کې پاکستان ته د «منافق» خطاب وکړ او ویې ویل، چې پاکستاني چارواکو واشنګټن ته سفرونه وکړل او په افغانستان کې یې هوايي «بې معنا» بریدونه پیل کړل.

منصور په خپلو خبرو کې وویل، چې دوی چې په تېرو ۲۰ کلونو کې له امریکا او نورو ځواکونو سره څه ډول جګړه کړې، دغسې به اوس هم د افغانستان ددفاع لپاره جګړه کوي.

نوموړي وویل، ځینې خلک له دوی پوښتنه کوي چې د طالبانو حکومت څومره دوام کوي؟ هغه په خپلو خبرو کې چې ویډیو یې اریانا ټلویزیون خپره کړې، د طالبانو مخالفانو ته د هغوی د نومونو له یادولو پرته خبرداری ورکړی، چې هیڅ یوه ته به دا مجال ورنه کړي او «که پښې افغانستان ته وغڅوي، په تورو به یې ور غوڅې کړي».

هغه په خپلو خبرو کې دې ته هم اشاره وکړه، چې ځینې خلکو له دې وضعیت نه اندېښنه ښودلې ده او دوی ته یې مراجعه کړې ده.

د طالبانو د هلمند والي داسې مهال دا څرګندونې کوي، چې پاکستان په دې وروستیو کې د افغانستان په څو ولایتونو کې د طالبانو مراکز په نښه کړي او داسې رپوټونه هم دي، چې اسلام اباد د طالبانو د مخالفانو د ملاتړ لپاره پر ځینو لارو چارو کار کوي.

له یادې محکمې څخه په خپره شوې خبرپاڼه کې راغلي، چې د جوزجان ولایت د قوش‌تېپې ولسوالۍ د طالبانو د ابتدایه محکمې د پرېکړې له مخې، شپږ تنه، چې دوه ښځې هم پکې شاملې وې، د طالبانو مسوولینو ته د سپکاوي، روژې خوړلو او د اخلاقي فساد د تورونو له امله په سزا محکوم شوي وو.

خبرپاڼه زیاتوي، چې د دغې محکمې له حکم سره سم، یاد کسان له شپږو میاشتو تر دوو کلونو پورې په بند او له ۲۰تر ۳۹دُرې وهلو په سزا محکوم شوي وو، چې دا پرېکړه د طالبانو د سترې محکمې له تایید وروسته عملي شوې ده.

په ورته وخت کې، طالبانو د بلخ ولایت په زاري ولسوالۍ کې هم یوه ښځه د نامشروع اړیکو په تور په پنځو کلونو بند او ۳۵دُرې د وهلو په سزا محکومه کړې وه، چې نن یکشنبه پرې په عام محضر کې یاده سزا عملي شوې ده.

طالبان په داسې حال کې بدني سزاوې عملي کوي، چې د بشري حقونو نړیوال بنسټونه او د ملګرو ملتونو ادارې دا ډول سزاوې د نړیوالو بشري حقونو له اصولو سره په ټکر کې بولي او له طالبانو یې د بندولو غوښتنه کړې ده. خو طالبانو تر اوسه د دغو نیوکو پر وړاندې خپل دریځ نه دی بدل کړی او ټینګار کوي چې دا سزاوې د هغوی د قضايي نظام برخه ده.

د طالبانو د صنایعو او سوداګرۍ وزارت نن یکشنبه، د وري پر۹مه وویل، چې د ازبکستان د نمګان ولایت والي د دغه ولایت د عمومي معلوماتو او موجوده تولیدي او صنعتي ظرفیتونو او د ولایت د سوداګرو په اړه خبرې وکړې.

د یاد وزارت په وینا، په دې ناسته کې په افغانستان کې د درملو د صادراتو او تولید، د چرګانو د فارمونو د ظرفیت او په دې برخه کې د همکارۍ او ګډ کار، د ګرانبیو او نیمه ګرانبیو ډبرو په سکتور کې د ګډې پانګونې او له افغانستان څخه نورو هیوادونو ته د دې ډبرو د صادارتو په اړه خبرې شوې دي.

په دې ناسته کې دغه راز د کرنیزو تجهیزاتو او ماشینونو په اړه د بحثونو خبر هم ورکړل شوی.

د طالبانو د صنعت او سوداګرۍ وزیر نورالدین عزیزي یو ځل بیا له ازبکستان سره د ګډې همکارۍ او د دواړو هیوادونو د محصولاتو او تولیداتو د بازار موندنې لپاره د طالبانو د ادارې د چمتووالي اعلان کړی او د سړو خونو، کرنیزو او طبي محصولاتو فابریکو د جوړولو په برخو کې یې د پانګونې فرصتونو باندې ټینګار کړی دی.

د طالبانو او ازبکستان ترمنځ په دې وروستیو کې په بېلابېلو برخو، په ځانګړې توګه د وارداتو په برخه کې اړیکې غوړېدلې دي.

د طالبانو په خبرپاڼه کې ویل شوي د دې ناستې په پای کې پریکړه وشوه چې په مختلفو سکتورونو کې د افغان خصوصي سکتور د غړو یو پلاوی به د سوداګرۍ فرصتونو د پیژندلو لپاره ازبکستان ته لاړ شي.

د ازبکستاني پلاوي په اړه ویل شوي، چې بلخ ته به هم سفر وکړي او هلته به د طالبانو له ځینو چارواکو سره وګوري.

یوسف حماد پر ایکس په یوه ویډیویي پیغام کې ویلي، چې په دغو پېښو کې ۲۶تنه نور ټپیان شوي هم دي.

نوموړي زیاته کړې چې د دغو طبیعي پېښو له امله ۳۷ کورونه په بشپړ ډول ویجاړ شوي او ۱۱۰نور کورونه په نسبي ډول زیانمن شوي دي.

حماد ویلي چې د دې ترڅنګ ۸۰ کیلو متره سړکونه او ۵۸۲ جریبه کرنیزې ځمکې هم ویجاړې شوې دي.

د هغه په وینا، دا ویجاړۍ په لغمان، پروان، دایکندي، میدان وردګ، لوګر، هرات، فراه، غور، بادغیس، سمنګان، سرپل او جوزجان ولایتونو کې شوې دي.

بل خوا دغه طالب چارواکي ویلي چې د زیانمنو سیمو د ارزونې او له خلکو سره د مرستو لپاره هڅې روانې دي.