نتنیاهو د لبنان په جنوب کې د امنیتي حایل سیمې د پراخولو امر کړی
د اسراییل لومړي وزیر بنیامین نتنیاهو د یکشنبې په ورځ وویل چې پوځ ته یې د لبنان په جنوب کې د اوسنۍ امنیتي حایل سیمې (بفر زون) د پراخولو امر کړی دی. هغه په یوه ویډیو پیغام کې ویلي، « موږ ژمن یو چې په شمال کې وضعیت په بنسټیز ډول بدل کړو».
نتنیاهو په یوه ویډیویي پیغام کې چې د اسراییل د شمالي قوماندې له مرکزه خپور شو، وویل: «ما همدا اوس امر کړی چې اوسنۍ امنیتي حایل سیمه نوره هم پراخه شي. موږ ژمن یو چې په شمال کې وضعیت په بنسټیز ډول بدل کړو».
هغه زیاته کړې چې دا پرېکړه د اسراییل د شمالي پولې په اوږدو کې د امنیتي وضعیت د پیاوړتیا لپاره شوې ده.
