په بلوچستان کې پر پولیسو د وسله وال برید په پایله کې درې کسان وژل شوي او پنځه نور ټپیان دي
د بلوچستان ایالت د کوټې خلجي کالوني په سیمه کې ناڅرګندو وسله والو د پولیسو پر یوې حوزې برید کړی چې له امله یې د یوې ماشومې په ګډون دوه پولیس وژل شوي او پنځه نور ټپیان دي.
د جهل مګسي ولسوالۍ مرستیال امنیه قوماندان سید رحمت شاه افغانستان انټرنشنل ته ویلي چې د پېښې ټپیان روغتون ته لېږدول شوي دي.
په ټپیانو کې درې تنه پولیس دي.
هغه زیاته کړې چې سیمه اوس مهال د پولیسو تر کنټرول لاندې ده او امنیتي ځواکونه ګزمې کوي.
بلوچستان په دې وروستیو کې د ګڼو امنیتي پېښو شاهد دی.
