طالبانو د روان کال تر پایه د ټاپي نل لیکې د ۱۵۳ کیلومتره برخې د بشپړېدو تمه ښودلې
د طالبانو د کانونو او پټرولیم وزارت وایي چې د ټاپي د ګازو نل لیکې پروژې چارو په هرات ولایت کې د پام وړ پرمختګ کړی دی. د هغه په وینا، تر دې دمه شاوخوا ۲۵کیلومتره نللیکه غځول شوې او د پاتې برخې د عملي کار لپاره ۱۲۰کیلومتره سیمه نوره هم چمتو شوې ده.
د یاد وزارت ویاند همایون افغان د دوشنبې په ورځ وویل، چې د دې پروژې پرمختګ به د انرژۍ په برخه کې مهم بدلونونه راولي او د سیمې د اقتصادي ودې لپاره به نوي فرصتونه راوټوکوي.
د ټاپي پروژه چې د ترکمنستان ګاز د افغانستان له لارې پاکستان او هند ته لېږدوي، د سیمې له مهمو اقتصادي پروژو ګڼل کېږي.
د طالبانو د کانونو او پټرولیم وزارت ویلي، چې نوې نللیکې او تخنیکي تجهیزات چمتو شوي او تمه ده د روان کال تر پایه د هرات اړوند پروژې ۱۵۳ کیلومتره برخه بشپړه شي.
ټاپي پروژه د ترکمنستان ګاز د افغانستان له لارې پاکستان او هند ته لېږدوي او د سیمې له مهمو اقتصادي پروژو څخه ګڼل کېږي.
