د اسراییل بهرنیو چارو وزارت استازې: پاکستان غواړي د منځګړتوب په رول کې ځان مهم وښيي
د اسراییل د بهرنیو چارو وزارت ځانګړې استازې د منځني ختیځ په شخړو کې د پاکستان د منځګړیتوب د رول په اړه ویلي، چې دغه هېواد غواړي په یوه مهمه موضوع کې ځان ورګډ کړي. فلور حسن ناهوم وویل:« زه نه پوهیږم پاکستانیان څه فکر کوي چې څه کوي. زما په اند غواړي ځانونه مهم وښيي.»
د اسراییل د بهرنیو چارو وزارت ځانکړې استازې فلور حسن ناهوم د هند اې این ای ټلوېزیون سره په مرکه ویلي، چې پاکستان پخپله د جهادي ترهګرۍ په نړۍ کې یوه لویه ستونزه ده.
نوموړې په دې باور ده، چې پاکستان کولی شي هڅه وکړي خو هغه وايي چې ډاډه نه ده بریالی شي.
د ایران د بهرنیو چارو وزارت ویاند اسماعیل بقايي ددوشنبې په ورځ وویل، چې ایران د پاکستان په غونډو کې ګډون نه لري.
دا په داسې حال کې ده، چې اسلام اباد په تیرو دوو ورځو کې د سعودي عربستان، ترکیې او مصر د بهرنیو چارو وزیرانو کوربه توب وکړ.
د پاکستان د بهرنیو چارو وزیر اسحاق ډار اعلان وکړ، چې اسلام اباد به په راتلونکو ورځو کې د ایران د جګړې د پای ته رسولو لپاره د "معنا لرونکو مذاکراتو" کوربه توب وکړي.
