د ایران د بهرنیو چارو وزیر عباس عراقچي له الجزیرې شبکې سره په خبرو کې وویل، هغه څه چې اوس روان دي مذاکرات نه، بلکې په مستقیم ډول او یا په سیمه کې د ملګرو هېوادونو له لارې د پیغامونو تبادله ده.
عراقچي زیاته کړه: «د تېر په څېر له ویټکاف څخه مستقیم پیغامونه ترلاسه کوم، خو دا د مذاکراتو په معنا نهدي».
نوموړي په دوام کې وویل: «د پیغامونو تبادله په یو ځانګړي چوکاټ کې د حکومت له لارې او د ملي امنیت شورا تر څارنې لاندې ترسره کېږي. په ایران کې له هېڅ لوري سره هېڅ ډول مذاکرات جریان نهلري. پیغامونه د بهرنیو چارو وزارت له لارې لېږدول کېږي او د امنیتي بنسټونو ترمنځ هم اړیکې شتون لري».
عباس عراقچي وویل: «د امریکا ۱۵ وړاندیزونو ته هېڅ ځواب نه دی ویل شوی او د ایران له لوري هم کوم وړاندیز یا شرط نه دی وړاندې شوی».
هغه زیاته کړه، چې د مذاکراتو په اړه هېڅ پرېکړه نه ده شوې او امریکايي لوری لا هم په دې اړه ملاحظات لري او د هغوی شرط د جګړې پای ته رسول دي.
