مشال راډیو خپل راډیويي او انلاین رسنیز فعالیتونه پای ته ورسول
مشال راډیو پر خپله وېپاڼه لیکلي، چې د سختو مالي شرایطو او وضعیت له امله د ۲۰۲۶ز کال د مارچ له ۳۱مې څخه خپلې راډیويي خپرونې، ویبپاڼه، د ټولنیزو شبکو پاڼې او وټساپ تړي. دې راډيو ۱۶ کاله مخکې فعالیت پیل کړی و او د ډیورنډ کرښې په دواړو خواو کې یې خپرونې اورېدل کېدې.
دې راډیو په خپل راپور کې لیکلي، چې مشال راډیو د ۲۰۱۰ز کال د جنورۍ پر ۱۵مه د قبایلي سیمو، خیبر پښتونخوا د بلوچستان پښتون مېشتو سیمو او د ډېورنډ له کرښې سره د افغانستان پښتون مېشتو ولایتونو ولسونو ته خپرونې پیل کړې.
مشال راډیو د ازادې اروپا راډیو د پښتو ژبې څانګه وه چې مرکزي دفتر یې د چېک جمهوریت په پلازمېنه پراګ کې دی.
