روبیو: د ایران د توغندیو پروګرام، هوايي او سمندري ځواک تر ډېره لهمنځه وړل شوی
د امریکا د بهرنیو چارو وزیر مارکو روبیو ویلي، چې امریکا په جګړه کې د ایران پر وړاندې د هغوی د توغندیو او بېپیلوټه الوتکو پروګرام، د هوايي او سمندري ځواک لهمنځه وړلو او د توغندیو توغولو سیستمونو کمزوري کولو هڅه کړې او اوس د دغه اهدافو لویه برخه ترلاسه شوې ده.
هغه د سېشنبې په ماښام له فاکسنیوز شبکې سره په خبرو کې ویلي: «موږ به د هغوی هوايي او سمندري ځواکونه په بشپړه توګه لهمنځه یوسو، چې ډېره برخه یې لاتراوسه ترسره شوې ده».
هغه همدارنګه وویل، امریکا غواړي «هغه فابریکې چې دغه توغندي او ډرونونه تولیدوي» لهمنځه یوسي او د ایران د «توغندیو د توغولو سیستمونه» کمزوري کړي؛ تر څو د ایران حکومت ونه شي کولای «پر خپلو ګاونډیانو پرلهپسې بریدونه وکړي» یا په سیمه کې د امریکا ځواکونه او متحدین وګواښي.
